अमेरिकी सर्वोच्च अदालतद्वारा गर्भपतनको संवैधानिक अधिकार खारेज ,व्यापक विरोध जुलुस

अमेरिकी सर्वोच्च अदालतले आधा शताब्दीदेखि रहेको गर्भपतनको संवैधानिक अधिकार खारेज गरेको छ ।

सर्वोच्च अदालतले गर्भपतन प्रतिबन्ध लगाउन राज्यहरूलाई अगाडी बढ्न संकेत दिएको छ । यसको बिरोधमा चर्का नारा ,जुलुस प्रदर्शन भै रहेका छन् भने डेमोक्र्याटिकलाई ठूलो धक्का लागेको छ ।

अमेरिकी राष्ट्रपति जो बाइडेनले सर्वोच्च अदालतको फैसला राष्ट्रका लागि ‘दुःखको दिन’ भएको बताएका छन् ।

राष्ट्रपति जो बाइडेन,सभामुख न्यान्सी पेलोसी लगायतले व्यापक बिरोध गरेका छन् भने यता रिपब्लिकनहरुले खुशी व्यक्त गरेका छन् । अमेरिकाका जताततै र विभिन्न राज्यहरुमा बिरोध जुलुस प्रदर्शन भै रहेको छ । सर्वोच्च अदालत अगाडी जुलुस प्रदर्शन भएको छ ।

सर्वोच्च अदालतका न्यायाधिशहरुले ६-३ ले पारित गरेका छन् । अमेरिकी सर्वोच्च अदालतमा हाल ६ जना रुढीवादी न्यायाधिश(रिपब्लिकन) तथा ३ जना (डेमोक्र्याट )उदारवादी रहेका छन् ।

सदनकी सभामुख न्यान्सी पेलोसीले उक्त निर्णयलाई “महिलाको अनुहारमा थप्पड” भनि आक्रोश व्यक्त गरेकी छिन ।

सर्वोच्च अदालतले शुक्रबार आधा शताब्दीदेखि रहेको गर्भपतनको संवैधानिक अधिकार खारेज गरेको छ । बिश्वका अत्यधिक नेताहरुले अमेरिकी सर्वोच्चको निर्णय प्रति बिरोध गरेका छन् । सयुक्त राष्ट्र संघले पनि सर्वोच्च अदालतको निर्णय प्रति बिरोध जनाएको छ ।

सम्बन्धित समाचार

आठ देशका लागि राजदूत नियुक्ति सिफारिस, कुन देशमा कसलाई गरियो…

सुँगुरको मिर्गौला प्रत्यारोपण गरिएका रिचर्डको निधन

कंगनालाई दियो भाजपाले लोकसभा चुनावको टिकट

दिल्लीका मुख्यमन्त्री अरविन्द केजरीवाल पक्राउ