अमेरिकाको अलाबामाको प्राथमिक विद्यालय प्रवेश गर्न खोज्ने एक व्यक्तिलाई प्रहरीले गोली हान्दा मृत्यु भएको छ । अर्को ठूलो दुर्घटना हुनबाट र नरसंहार हुनबाट जोगिएको छ ।
घटना जुन ९ अलाबामाको ग्याड्सडेनमा भएको हो। अधिकारीहरुले उनलाई गोली हान्दा उनको निधन भएको जनाएका छन भने उत्तरपूर्वी अलाबामामा बिहीबार बिहान उक्त घटना घटेको हो ।
ग्याड्सडेन सिटी स्कूल (बिद्यालय)का अधिक्षक (सुपरिटेन्डेन्ट) टोनी रेडडिकले पत्रकारहरूलाई “सम्भावित घुसपैठकर्ता” ले वालनट पार्क इलिमेन्टरी स्कूल(प्राथमिक बिद्यालय )मा धेरै ढोका खोल्ने प्रयास गर्यो, जहाँ विद्यार्थी र कर्मचारीहरू भित्र रहेका थिए ।
इटोवाह काउन्टी शेरिफ(प्रहरी)जोनाथन होर्टनले एबीसी न्यूजलाई बताए अनुसार उक्त व्यक्तिलाई कुराकानीमा अल्मलाउन बिद्यालयका श्रोतका प्रहरी बाहिर आए। र ,उक्त व्यक्तिसंग प्रहरीको भिडन्त भए पछि थप प्रहरीहरु बोलाईएको थियो । संदिग्धलाई नियन्त्रण पार्न धेरै प्रयास पछि एक ग्याड्सडेन प्रहरी अधिकारीले संदिग्धलाई गोली हानेका थिए ।
घटना ग्याड्सडेनको वालनट पार्क इलिमेन्टरी स्कूल(प्राथमिक बिद्यालय) नजिकै भएको थियो यद्यपि घटनाको क्रममा कुनै पनि बालबालिका हानी नभएको बिद्यालयको विज्ञप्तिमा जनाईएको छ ।
अलाबामा प्राथमिक बिद्यालयका अनुसार संदिग्ध ब्यक्ति बुनलेभेलका ३२ बर्षिय रोबर्ट टायलर ह्वाइट भएको पुष्टी भएको छ । इटोवाह काउन्टी शेरिफ(प्रहरी)जोनाथन होर्टनले बताए अनुसार बिद्यालयको ढोका बन्द गरिएको थियो ।
इटोवा काउन्टी शेरिफको कार्यालयले बिहान १० बजेको लगत्तै एक चेतावनी घन्टी बजाएको थियो । सबैलाई उक्त क्षेत्र वरपर जोगिन आग्रह गरेको थियो भनि एबिसीन्यूजले समाचार लेखेको छ ।
संदिग्ध व्यक्ति विद्यालयमा प्रवेश गरेन तर प्रहरीले विद्यार्थीहरूलाई अर्को स्थानमा सार्नु परेको अधिकारीहरूले बताए ।
क्याटेगोरी : अन्तराष्ट्रिय समाचार, अमेरिकाट्याग : #गोली
