विवेकशिल नेपालीको संगठन विस्तारमा तिब्रता

दीप जङ्ग शाह जेठ २६, २०७६ गते ०:२१ मा प्रकाशित

दोहा, आफुलाई बैकल्पिक राजनितिक शक्तिकारुपमा परिभाषित गर्दै आएको विवेकशिल नेपालीले संगठन विस्तारलाई तिब्रता दिएको छ । यसैक्रमा कतार स्थित सनैयामा नयाँ कमिटी विस्तार गरेको छ ।
विवेकशील नेपाली कतारका अध्यक्ष गौरवराज अधिकारीको अध्यक्षतामा बसेको भेलाले एक सल्लाहकार सहित १८ सदस्यको कार्यकारी समिति चयन गरेकोछ । टंकनाथ कोइरालाको संयोजकत्वमा गठित कमिटीमा जय शंकर साह सल्लाहकार, हरि गुभाजु सह संयोजक एव. सुमेस घिमिरे कोषध्यक्ष रहेका छन् ।
कमिटीको सदस्यहरुमा आनन्द घिमिरे, राज अधिकारी, चन्द्र कान्त ठकुरी, भरत श्रेस्ठ, रमेस निरौला, प्रमोद पोख्रेल र कृष्ण प्रसाद ढकाल रहेका छन्। त्यस्तै सदस्यहरूमै भिम राज राई, भोगेन्द्र कुमार राय, राकेस कुमार राय, एम डि अब्दुल, बाल कृस्ण सोडारी, साजन धामि र मुकेस धामि रहेको ववेकशील नेपाली दलका केन्द्रिय सदस्य सुरेश भट्टले जानकरी दिए ।

प्रवासी नेपालीहरूको लोकतान्त्रिक अधिकारका लागी “नोट चल्ने, भोट नचल्ने ?” भन्ने अभियानका साथै संगठन सुदृढ र विस्तारमा विशेष सफलता प्राप्त गरेको बताउदै केन्द्रिय सदस्य भट्टले आगामी १४ जून शुक्रवार मण्डला नेपाली रेस्टुरेन्टमा निशुल्क स्वास्थ्य चाँज कार्यक्रम राखेको बताए ।
स्वास्थ्य परिक्षणमा एस्टर अस्पतालका डा. राजेश कुमार पौडेलको टिमले स्वास्थ्य परिक्षण गर्ने जानकारी दिदै भट्टले कार्यक्रममा उपस्थितिभै स्वास्थ्य लाभ लिन आम कतार बासी नेपालीलाई आग्रह गरे । विवेकशिल नेपालीले दलभन्दा बाहिरका वुद्दीजिवि, समाज सेवी एवं सफल उद्योगि व्यवसायीलाई बोलाएर “चिया चौतारी” कार्यक्रम मार्फत सकारात्मक र चेतना मूलक कार्यक्रम गर्दै आएको छ । यो साता डा. पौडेलले आफ्नो सफलता र चुनौतिका अनुभवहरू साट्ने दलको सचिवालयले दीप सञ्चारलाई जनाएको छ ।