कोरोना अपडेट : कतारमा १०७५ जना संक्रमति, आज मात्र १२६ जना संक्रमित भएको पुष्टि

दोहा – कतारमा विश्व महामारीको रुपमा रहेको कोरोना भाईरस (कोभिड-१९) बाट आज  थप १२६  जना संक्रमित  भएको पुष्टि भएको छ । यो संगै कतारमा भाइरस संक्रमितको संख्या १ हजार ७५ जना पुगेको छ । भने अहिले सम्म ३ जनाको मृत्यू भएको छ।

त्यस्तै आज मात्र २१ जना पूर्ण निको भएका छन्।  यो संगै अहिले सम्म पूर्ण निको भएर घर फर्कनेको संख्या ९३ जना पुगेको छ । आज सम्म २८ हजार ४ सय १३ जनाको जाँच भएको छ । संकास्मत लक्षण देखिएका विरामीहरुलाई निकै चनाखो र अभियान नै चालेर दिनहुँ परिक्षण गरिएको छ।

कोरोना भईरस न्यूनीकरण गर्नको लागि कतार सरकारले विभिन्न भाषामा हरेक दिन सूचना प्रकाशन प्रशारण तथा माईकिङ्ग गरेर सबैलाई सचेत पारिरहेको छ।

खाद्यान्न लगायतको समस्या समाधानको लागि कतार च्यारिटी मार्फत नेपाली समुदायलाई गैर आवासीय नेपाली संघ, नेपाली व्यवसायी संघ लगाएतका सस्थाहरु निरन्तर लागि रहेका छन्।  अहिले सम्म कुनै पनि नेपाली समस्यामा परेका छैनन्।

कुनै समस्या परे तत्काल खबर गर्न उक्त संघहरुले आह्वान गरेका छन्।  जसका लागि संघको फेसबुकमा वा सम्बन्धित संघमा फोन वा म्यासेज गर्न सकिने छ।

सम्बन्धित समाचार

कार्ड्स कतारको दोश्रो अधिवेशन हुने, पन्थीको संयोजकत्वमा ५१ सदस्यीय आयोजक…

विशेष महाधिवेशनको घोषणापत्रमा विवाद, संस्थापन पक्षद्वारा सहमतिको उल्लङ्घन

नेपाली पुत्र प्रबल गुरुङको डिजाइनमा सजिईन अमेरिकी उप-राष्ट्रपति कमला ह्यारिस

४५ औं राष्ट्रिय मेलमिलाप दिवसको अवसरमा रक्तदान कार्यक्रम सम्पन्न