कोरोना भाईरस सम्बन्धमा विवेकशील नेपालीले शुरु गर्यो कतारमा सचेतना अभियान

दीप संञ्चार चैत्र १०, २०७६ गते १०:२४ मा प्रकाशित

दोहा – स्थापना कालदेखि नै सामाजिक कार्यमा कृयाशिल रहेको वैचारीक संस्था विवेकशील नेपाली कतारले महामारिका रुपमा फैलिरहेको कोरोना भाईरस (कोभिड–१९) सम्बन्धमा सचेतना तथा सतर्कताका लागि कतारमा अभियान चालेको छ ।

परम्परागत राजनितिक गतिविधिले आम सर्वसाधारणलाई घृणा लाग्दै गएको तथा वैचारिक विश्वसनियता कम हुँदै गएको जिकिर गर्दै विवेकशील नेपालीले सेवा मुखि कार्यमा निकै जोड दिँदै आएको छ । कतारमा विभिन्न समयमा आम सर्वसाधारणलाई कर्म थलो देशको कानुनी प्रावधान र गतिविधिलाई अवलम्बन एवं सहयोग गर्न अनुरोध गर्दै आएको विवेकशीलले यस पटक फोन, म्यासेज एवं फेसबुक लगाएतको सामाजिक सञ्जालबाट अभियान चालेको छ ।

पछिल्लो समयमा सामाजिक सञ्जालको चरम दुरुपयोग गर्दै सर्वसाधारणलाई त्रशित पार्ने र गलत सुचना प्रवाह गरि समुदायमा अफवाह फैलाउदै आइएको भन्दै विवेकशीलले आफ्नो यो अभियानले कतार सरकारको कानुनको सम्मान हुने र आफ्नो समुदाय पनि सचेत रहने विश्वास व्यक्त गरेको छ । केहि समय अगाडि सरकारी निति नियमको अज्ञानताका कारण थुप्रै नेपाली डिपोट हुनुपरेको प्रति दुख व्यक्त गर्दै अब त्यस प्रकारको कार्यमा न्यूनकरणको लागि यस्तो अभियान चालेको बताएको छ ।

विवेकशील नेपालीले कतारमा रहेका आम नेपालीलाई सचेतनार्थ जारी गरेको विशेष अनुरोध पत्र जस्ताको त्यस्तै :