Techie IT
×
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठग्लोबलपर्वत समाज कतारले गर्यो स्वर्गीय देवेन्द्रकाे परिवारलाई आर्थिक सहयाेग

पर्वत समाज कतारले गर्यो स्वर्गीय देवेन्द्रकाे परिवारलाई आर्थिक सहयाेग


दोहा – पर्वत समाज कतारले कतारमा दुर्घटनामा परि उपचारको क्रममा मृत्यु भएका पर्वतको पैयुका स्वर्गीय देवेन्द्र थापाको परिवारलाई आर्थिक सहयोग प्रदान गरेको छ ।

फोटो: सन्तोष क्षेत्री

२०७५ भदौ २९ गते कम्पनीमा काम गर्दै गर्दा लिफ्टले थिचेर गम्भीर घाइते भएका थापाकाे गत पुस ११ गते काठमाडौंकाे ग्रिन सिटी अस्पतालमा उपचारको क्रममा निधन भएका स्वर्गीय थापाको परिवारलाई समाजले सोमबार नगद ४७ हजार ७ सय १७ रूपैयाँ प्रदान गरेको हो ।

फोटो: सन्तोष क्षेत्री

दुर्घटना पछि कतारकाे सरकारी अस्पतालमा उपचार भए पनि स्वास्थ्यमा सुधार नभएपछि कम्पनिले स्वर्गीय थापालाई गत ०७६ असाेज २८ गते नेपाल पठाएको थियाे ।

पैयु गाउपालिका अध्यक्ष खगेन्द्र तिवारीको प्रमुख आतिथ्यता र वडा नम्बर ३का अध्यक्ष विष्णुप्रसाद काफ्ले, वडा सदस्य देउ बहादुर थापा लगाएतको उपस्तिथिमा पर्वत समाज कतारका निवर्तमान अनुशासन बिभाग प्रमुख यामबहादुर क्षत्रीले स्वर्गीय थापाको आमा भिम कुमारी थापालाई रकम हस्तान्तरण गरेका थिए ।

कार्यक्रममामा बोल्दै पैयु गाउपालिका अध्यक्ष खगेन्द्र तिवारीले वैदेशिक राेजगारीकाे क्रममा हुने दुर्घटना र निधन प्रति सरकार गम्भीर हुनुपर्ने भन्दै मानवीय कार्यको लागि पर्वत समाज कतारलाई धन्यवाद ज्ञापन गरे ।

नगद हस्तान्तरण गर्दै निवर्तमान अनुशासन बिभाग प्रमुख क्षत्रीले स्वर्गीय थापाको परिवारकाे आर्थिक अवस्था कमजाेर रहेकाेले छाेराछाेरीकाे पढाइमा सहज हाेस भनेर पर्वत समाज कतारले आर्थिक सहयाेग गरेकाे क्षेत्रीले बताए ।


क्याटेगोरी : ग्लोबल
ट्याग : #breaking

तपाईको प्रतिक्रिया दिनुहोस