विश्व साइकल यात्री शर्मा एनसिसि कतारद्वारा सम्मानित

दीप संञ्चार पुस ६, २०८० गते १५:५३ मा प्रकाशित

दोहा – विश्व जलवायू परिवर्तन र सेभ द अर्थ को नारा लिएर विश्व साइकल यात्राका क्रममा कतार आइपुगेका शुभप्रसाद शर्मालाई एनसीसी कतारले सम्मान गरेको छ ।

विश्व साइकल यात्राका क्रममा कतार आइपुगेका शर्मालाई एनआरएनए एनसिसि कतारले नगद सहित सम्मान गरेको हो ।

शुक्रवार एक कार्यक्रमका विच नगद पॉचसय कतारी रियाल सहित खादा ओढाएर यात्रा सफलताको कामना सहित सम्मान गरिएको थियो ।

कार्यक्रममा बोल्दै एनसिसि कतारका अध्यक्ष रमेश भट्टले यात्रा सफलताको शुभकामना व्यक्त गरेका थिए ।

सहयोग ग्रहण गर्दै यात्री शर्माले एनसिसि कतारलाई धन्यवाद ज्ञापन गरे ।

काठमान्डौ नगरपालिका वडा न ७ सिफलमा ५६ वर्ष अगाडी जन्मिएका शर्माले २०८९ वैशाख १ गतेबाट यात्रा प्रारम्भ गरेका थिए ।

५ वर्षमा १ सय ५० देश घुम्ने र ३ सय देखी ५ सय बिरुवा रोप्ने लक्ष्य लिएका शर्माले आफूले सोचे जति सहज यात्रा नभएको महसुस गर्दै लक्ष्य भन्दा पनी समय बढी लाग्ने अनुमान आफूले गरेको बताए ।

क्याटेगोरी : ग्लोबल