गैरआवासीय नेपाली संघ अन्तराष्ट्रिय समन्वय परिषद युरोपको युवा संयोजकमा प्रकाश भण्डारीले उम्मेदवारी घोषणा गरेका छन । माल्टास्थित सफल युवा व्यावसायी एबं समाजसेवी भण्डारीले संघको आगामी अक्टोबरमा काठमाडौमा हुने ११ औ महाधिवेशनमा सो पदमा उम्मेदवारी दिने बताएका छन ।
उनले माल्टामा गैरआवासीय नेपाली संघ ल्याउन अनवरत रुपमा खटिएर एनआरएनए माल्टा गठन गर्न ठुलो योगदान गरेका थिए । एनआरएनए माल्टामा उपाध्यक्ष भएर सफल कार्यकाल संपन्न गरेका भण्डारी हाल नेपाल माल्टा च्यारिटी एशोसिएसनको अध्यक्ष समेत रहेका छन । विगत ९ बर्षदेखी माल्टालाई कर्मथलो बनाई विभिन्न सामाजिक संस्थाहरुमा आबद्ध भई माल्टाबासी नेपालीहरुको हक हितको लागि सामाजिक कार्य गर्दै आएका छन ।
भण्डारीले संघको साधारण सदस्यदेखि एनआरएनए माल्टाको उपाध्यक्ष समेत भएर केन्द्रिय नेतृत्वसँग सहकार्य गरेर काम गरिसकेका छन ।
उनले सबै अभियन्तालाई मिलाएर एकीकृत एनआरएनए बनाउनुपर्ने जनाउदै युवाहरुलाई यस अभियानमा जोड्ने बताउछ्न ।
एनआरएनएको अभियानमा निरन्तर सक्रिय रहदै आएका भण्डारी सरल र मिजासिलो स्वभावका एनआरएनए अभियन्ताका रुपमा मानिन्छन । बिश्वमा सबैभन्दा ठुलो नेपाली संजालमा फैलिएको एनआरएनए लाई सँस्थागत बिकास र सँस्थाको मर्म र भावना अनुरुप ब्यक्तित्व बिकास समेत आवश्यक रहेको भन्दै पछिल्लो पुस्तालाई नेपाल प्रति सामिप्यता र उत्तरदायित्व बहन गर्दै अगाडी बढाउन जोड दिने भण्डारीले बताए ।
उनले नेपालको समृद्धि र बिकासमा सामुहिक लगानी र पर्यटन प्रर्वद्धनमा जोड दिदै नेपाल सरकारसँग समन्वय गर्दै विभिन्न देशहरुमा नेपालीले भोग्नुपरेको समस्या लाई समाधान गर्न तत्पर रहेको बताए । प्रत्येक मुलुक बाहिर रहेका नेपालीहरुले एनआरएनए मेरो सँस्था हो भन्ने बनाउन आवश्यक रहेको छ । सबैलाई समेटन अझै हामीले पहल गर्न बाकी नै रहेको हुदा यो अभियानलाई सार्थकता दिन सामुहिक नेतृत्वसहित टिममा सबैजना मिलेर कार्ययोजना नै बनाएर आउने भन्दै सबैको साथ र सहयोगका लागी भण्डारीले अपिल गरेका छन । अहिले एनआरएनको आगामी ११ औं महाधिवेशन नजिकिदै गर्दा निर्बाचनको माहौल तात्न थालेको छ । अहिले बिभिन्न देशबाट आईसिसिको आगामी अधिबेसनमा आउन चाहनेहरुले उम्मेदवारी दिने क्रम बढ्दो छ ।
एनआरएनएको अभियानमा आफूले प्राप्त गरेको अनुभव, अग्रजहरुको आग्रह र साथीभाईको अनुरोधमा युरोप युवा संयोजक पदमा उम्मेदवारी दिने निर्णयमा पुगेको भण्डारीले बताए । आगामी कार्यकालका लागि सबैको आग्रह र एनआरएनएभित्र काम गर्न सक्ने पदमा पुगेर आफ्नो केही गर्ने इच्छा अनुसार आफुले एनआरएनए युरोप युवा संयोजकमा उम्मेदवारी दिएको भण्डारीले बताए ।
एनआरएनए अभियानमा युवापुस्ताका मुद्दालाई स्थापित गर्न, दोश्रो पुस्ताका नेपालीलाई एनआरएनएमा आकर्षित गर्न, विदेशमा रहेका नेपाली श्रमिकहरुको आवाज बुलन्द बनाउन युवा संयोजकमा उम्मेदवारी घोषणा गरेको भण्डारीले बताए । एनआरएन अभियानमा उदयमान तथा उर्जाशील स्वभावका भण्डारी सफल व्यवसायी, समाजसेवी र एनआरएनए अभियानमा संभावना बोकेका नेताको रुपमा परिचित छन । एनआरएनए युवा संयोजकका लागि सर्बसम्मतबाट सहमति बटुल्ने कोशिष गरेका भण्डारी युरोप युवा संयोजकमा सबैको रोजाईमा पहिलो नम्बरमा रहेका छन ।
माल्टा,युरोप तथा नेपालमा सामाजिक कार्यका लागि अग्रस्थानमा रहेर कार्य गर्दै आएका रेग्मी सबै नेपालीका लागि आखाको नानी जस्तै रहदै आएका छन । एनआरएन अभियानमा भण्डारीको उपस्थितिलाई विश्वभरका नेपाली समुदायले उदाउदो ताराका रुपमा अन्तरआत्मादेखि स्वागत गरिरहेका छन । गैरआवासीय नेपाली संघले दिएको जिम्मेवारीलाई आत्मसाथ गर्दै विश्वसनिय, पारदर्शी र सहभागिता मूलक ढंगले विगतमा प्राप्त गरेको ऐतिहासीक सफलता, सीप, क्षमता तथा अनुभवलाई युरोप संयोजकका माध्यमबाट विश्वसामु पस्कन नयाँ जिम्मेवारी वहन गर्न सक्ने क्षमता भण्डारीसँग रहेको छ ।
उनले आफुलाई साथ दिन सबै युरोपवासी नेपाली र अभियन्तालाई आग्रह गरेका छन ।
संघको आगामी महाधिवेशनको लागि बिभिन्न पदमा उम्मेदवारी घोषणा आउने क्रम जारी रहेको छ । अध्यक्ष पदमा आरके शर्मा, महेश श्रेष्ठ ,डा. बद्री केसी, रविना थापा, डा। हेम राज शर्माले उम्मेदवारी दिने घोषणा गरिसकेका छन । उपाध्यक्षमा खगेन्द्र न्यौपाने,राज रेग्मीले उम्मेदवारी दिएका छन । महासचिवमा गौरीराज जोशी,बुद्दी सुवेदी,गंगाधर गौतम,पारसमणि सुवेदीले उम्मेदवारी घोषणा गरेका छन ।
क्याटेगोरी : ग्लोबलट्याग : #breaking,
#NRNA
