एनआरएनए प्रवक्ता सोम सापकोटा बेलायतको वेल्सका लागि टुरिजम गुडविल एम्बेसडर नियुक्त

काठमाडौ। लामो समयदेखी गैर आवासीय नेपाली संघसँग आबद्ध रहदै नेपालको पर्यटन क्षेत्रको बारेमा देश तथा बिदेशमा सकारात्मक सन्देश प्रबाह गर्ने सामाजिक एबं एनआरएनए अभियन्ता सोम सापकोटा बेलायतको वेल्सका लागि टुरिजम गुडविल एम्बेसडरका नियुक्त भएका छन ।

नेपालको पर्यटन क्षेत्र र बिधामा सक्रिय रहंदै आएका सापकोटाले पर्यटन बिधामा खेलेको अहम भूमिका र निरन्तरताको फलस्वरूप नेपाल सरकारले चार बर्षका लागि बेलायतको वेल्सका लागि टुरिजम गुडविल एम्बेसडरका रूपमा नियुक्त गरेको छ । सापकोटालाई नेपाल सरकार मन्त्रीस्तरिय निर्णय अनुसार सरकारले यो निर्णय गरेको हो ।

शुक्रबार पर्यटन मन्त्रालयमा आयोजित एक समारोहबीच सापकोटालाई पर्यटन सचिब सुरेश अधिकारीले नियुक्ति पत्र हस्तान्तरण गरेका थिएव। नियुक्ति पत्र हस्तान्तरण गर्दै सचिब अधिकारीले लामो समयदेखी पर्यटन क्षेत्रमा लागि पर्दै आएका सापकोटालाई नेपाल सरकारले यो क्षेत्र झनै बिस्तार र बलियो हुने बिस्वास ब्यक्त गरेर नै बेलायतको वेल्सका लागि टुरिजम गुडविल एम्बेसडरका रूपमा नियुक्त गरेको बताए । नियुक्ती पत्र प्राप्त गरेपछी सापकोटाले राज्यले आफू माथि बिस्वास गरेर दिएको जिम्मेवारीलाई मूलुकको हित र प्रबासी नेपालीहरूको साथ लिंदै सजकताका साथ निभाउने प्रतिबद्धता ब्यक्त गरे ।

सन २००७ देखी सन २००९ सम्म एनआरएनएको पर्यटन प्रबद्दन कमिटीको सदस्य भएर काम गरेका सापकोटाले सन २०१३ देखी सन २०१५ सम्म यसै कमिटीको उप संयोजक बने भने सन २०१६ देखी सन २०१८ सम्म डेनमार्कका लागि नेपाली टुरिजम बोर्डको मानार्थ जनप्रतिनिधि भएर काम गरे । यसैगरी सापकोटा सन २०१९ देखी २०२१ सम्म माल्टाका लागि नेपाल टुरिजम बोर्डबाट मानार्थ जन प्रतिनिधिको रूपमा नियुक्त भए । टुरिजम क्षेत्रमा बिशेष दखल राख्ने र यो बिधामा पोख्त प्रबासी नेपालीको पहिचान बनाएका सापकोटा हाल एनआरएनएको प्रबक्ता एबं पर्यटन प्रर्बधन समितिका संयोजक समेत रहेका छन ।

महाभूकम्पका कारण सुस्ताएको नेपालको पर्यटन क्षेत्रलाई लयमा ल्याउन युरोप लगायतका मूलुकमा एनआरएनएको साथमा सापकोटाले गरेका कामको यतिबेला नेपाल सरकार र सम्बन्धित निकायले खुलेर तारिफ गर्ने गरेका छन । बिदेशमा ‘बुद्द नेपाल’जस्तो गरिमामय क्याम्पेन गरेर नेपालको टुरिजम क्षेत्रलाई प्रचार प्रसार गर्ने मामिलामा अहोरात्र खटिएका सापकोटालाई यसअघि पनि पटक पटक नेपाल सरकार र टुरिजम बोर्डले उचित सम्मान गर्दै आइरहेको छ । सापकोटाले नेपालको टुरिजम क्षेत्रलाई दिएको योगदानको कदर गर्दै नेपाल सरकारले मन्त्रीस्तरीय निर्णय गर्दै उनलाई बेलायतको वेल्सका लागि टुरिजम गुडविल एम्बेसडर नियुक्त गरेको जनाइएको छ ।

सम्बन्धित समाचार

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै

ठकुरी सहयोग सञ्जालको वनभोज आज गोकणेश्वरमा हुँदै, अधिकांश शाखाहरूबाट सहभागीता…

प्रवासी भुजेल समाज कतारले पहिलो पटक रक्तदान कार्यक्रमको आयोजना गर्दै