एनआरएनए यूकेको खड्का नेतृत्वको समितिलाई एनआरएनए आइसीसीबाट अनुमोदन

लन्डन। गैरआवासीय नेपाली संघ एनआरएनए युकेको सुनिलबाबु खड्काको नेतृत्वमा रहेको कार्यसमितिलाई एनआरएनए आइसीसीले अनुमोदन गरेको छ ।

कार्यकारी अध्यक्ष रविना थापाको अध्यक्षतामा बुधबार बसेको आइसीसी बैठकले एनआरएनए यूकेमा विशेष अधिवेशनमार्फत् आएको उक्त समितिलाई अनुमोदन गर्ने निर्णय गरेको जनाएको छ ।

बेलायतको विवादसम्बन्धमा आइसीसी अध्यक्ष कुल आचार्यले प्रस्तुत गरेको पुनर्गठित कार्यसमितिसम्बन्धि सिफारिशलाई बैठकले अनुमोदन गरेको हो ।एनआरएनए यूके विवादबारे अध्ययन गरी समाधानका लागि सिफारिश गर्न आइसीसीले अध्यक्ष आचार्य र बेलायतस्थित अन्य पदाधिकारीलाई जिम्मेवारी दिएको थियो ।

यसअघि संघको प्रतिष्ठामा आँच आउने गरी विधानविपरित गतिविधिमा संलग्न भएको भन्दै एनआरएनए यूके अध्यक्ष प्रेम गाहा मगरलाई आइसीसीले गत सेप्टेम्बर १३ मा पदमुक्त गरेको घोषणा गरेको थियो । त्यसको एक महिनापछि अक्टोबर १८ मा लन्डनमा सम्पन्न विशेष साधारणसभाले उपाध्यक्ष सुनिलबाबु खड्कालाई अध्यक्ष मनोनित गरेको थियो ।

आइसीसीबाट अनुमोदन भएसंगै सुनिलबाबु खड्काको नेतृत्वमा रहेको समितीले नै एनआरएनएको केन्द्रीय ‘एमआइएस सिस्टम’ मार्फत सदस्यता वितरण गर्न पाउने जनाएको छ ।

जसअनुसार यही जनवरी ८ तारिखदेखि नै केन्द्रीय ‘एमआईएस सिस्टम’मार्फत सदस्यता आवेदन खुलाउने तयारी गरिएको एनआरएनए युकेले जनाएको छ । सोही दिन समितिले लन्डनमा एक नयाँ वर्ष शुभकामना तथा अन्तरक्रिया कार्यक्रम पनि आयोजना गर्ने जनाएको छ । धेरै विवादपछि अन्तत एनआरएनए आईसिसिले एनआरएनए युकेमा खड्का नेतृत्वलाई मान्यता दिएको छ ।

सम्बन्धित समाचार

गैरआवासीय नेपाली संघको उपाध्यक्षमा श्रेष्ठ, निरन्तर योगदान र नेतृत्व क्षमतामा…

एनआरएनएको एकता महाधिवेशन गर्ने बाटो खुला, शनिबार हायात होटेलमा उद्घाटन…

एनआरएनएको हितमा एक्लै भएपनि उभिन्छौँ – भट्ट

एनआरएनए एकता महाधिवेशनको मिति कुनै पनि हालतमा पर सर्दैन: उच्चस्तरीय…