विश्वकप सफल बनाउन कतारस्थित नेपाली राजदूतको आग्रह

दीप संञ्चार कात्तिक २५, २०७९ गते ११:३४ मा प्रकाशित

कतारमा हुने फिफा विश्वकप फुटबल सफल बनाउन कतारस्थित नेपाली राजदूतावासले नेपाली समुदायलाई अपिल गरेको छ । विश्वकप यही नोभेम्बर २० देखि डिसेम्बर १८ सम्म हुँदैछ ।

कतारका लागि नेपाली राजदूत नरेश विक्रम ढकालले बुधबार विज्ञप्ति जारी गर्दै यस्तो अपिल गरेका हुन् । ‘कतारमा क्रियाशील नेपाली समुदाय तथा संघसंस्थाहरूले पनि सम्पादन गर्नुपर्ने कुनै कार्यक्रम सम्भव भएसम्म स्थगित गरी इमान्दारिता, नैतिकता, कर्तव्यपरायणता र उच्च मर्यादासहित फिफा विश्वकप सफल बनाउन जिम्मेवारपूर्ण सहयोग गर्नु गराउनु हुनेछ भन्ने विश्वास लिइएको छ ।

यस क्रममा उनले नेपालीहरूले कतारको विकास तथा समृद्धिका लागि पुर्‍याएको योगदानको कतार सरकारका उच्चाधिकारीहरूले मुक्तकण्ठले प्रंशसा गरिररहेको जानकारी दिएका छन् ।