Techie IT
×
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठग्लोबलअमेरिकाएनआरएनए आइसीसीको उपाध्यक्षमा रबिना थापाको उम्मेदवारी

एनआरएनए आइसीसीको उपाध्यक्षमा रबिना थापाको उम्मेदवारी


दोहा, गैर आवासीय नेपाली संघ अन्तराष्ट्रीय समन्वय परिषदको नबौं महाधिबेशनको संघारमा आई पुग्दा उम्मेदवारी दिनेहरुको लहर निकै बढेको छ । यसै क्रममा लामो समय सामाजिक क्षेत्रलाई आफ्नो दिन चर्या बनाउदै गैर आवासीय नेपालीहरुको हक हित र अधिकारको लागि निरन्तर कृयाशिल रबिना थापाले पनि गैर आवासीय नेपाली संघ, अन्तराष्ट्रीय समन्वय परिषद् (एनआरएनए आईसिसी)को आगामी २०१९-२०२१ कार्यकालको खुल्लातर्फको उपाध्यक्षमा उम्मेदवारी घोषणा गरेकी छिन् ।

म्याग्दीमा जन्मिएर जापान र अमेरिकालाई आफ्नो कर्म थलो बनाएकी थापाले पछिल्लो पटक २ दिनको तयारीमा उपाध्यक्षको उम्मेदवारी घोषणा गर्दा पनि निकै कम मतको अन्तरालले पराजित भएकी थिइन । यसै अनुभवलाई आधार मान्ने हो भने यस पटकको पूर्व तयारीले विजय प्राप्तीलाई शुनिश्चित तुल्याएको थापाको विश्वास रहेको छ । थापाको यस पटकको पूर्व तयारी तथा प्रतिनिधिहरु संगको सम्बन्ध निकै मजबुत हुनु नै उनको जितको बलियों कड़ी हुनेछ ।
राष्ट्रीयता, सामाजिक सद्भाव, संस्कार, संस्कृति र परम्परा प्रति निकै ज़िम्मेवार हुँदै थुप्रै सामाजिक संघ संस्थामा आबद्द रहेकी थापा गैरआवासीय नेपाली संघ राष्ट्रिय समन्वय परिषद (एनआरएनए एनसीसी) अमेरिकाको २०१५-२०१७ कार्यकालको निर्वाचित उपाध्यक्ष हुन भने एनआरएनए आइसीसी सचिव जानकी गुरुङ संयोजक रहेको ‘वन एनसिसी, वन च्यारिटी’ कमिटीकी उपसंयोजक पनि हुन ।
आफ्नो जन्मनै राजनितिक परिवारमा भएको र कर्म घर समेत सोहि भुमिकामा रहेको हुँदा आफूलाई खुल्ला तर्फको उपाध्यक्षमा संक्षम र सबल रहेको बताउने थापाले महिला संयोजक तथा महिला उपाध्यक्षमा उम्मेदवारी दिई आरक्षणमा प्रतिस्पर्धा नगर्ने बताउछिन ।
एनआरएनमा महिला नेतृत्वको अभाव छ । संघको १६ बर्षे इतिहासमा जमुना गुरुङ नै पहिलो पटक अध्यक्षमा उम्मेद्वार हुन सकेको इतिहासले महिला नेतृत्व विकाशलाई थप चुनौती दिएको छ । त्यसमा पनि महिला महिला भिडेर एउटा जित्ने अर्को हार्ने गर्दा महिलाहरुको सहभागिता झन हराउँदै जान्छ । महिला उपाध्यक्ष तर्फ पक्कै पनि महिला नै आउने हाे । आफू खुल्ला तर्फ जितेपछि कम्तिमा पनि दुइजना उपाध्यक्ष महिला हुन्छन । यसबाट पाँच जना उपाध्यक्षमा कम्तिमा पनि दुइजना त महिला हुन्छन । त्यसैले पनि आफू खुल्लातर्फ उम्मेद्वार हुने थापाको बुझाई छ ।
हाल सम्म अध्यक्षका लागि आकांक्षी हुनुभएका कुमार पन्त र कुल आचार्य दुबैजनासँग राम्रो कुराकानी भएको बताएने थापाले मिलेर गएको र मिलाएर लगेको स्थितिमा मिलेर जाने, समर्थन गर्ने अन्यथा आफू खुल्ला तर्फ स्वतन्त्र रुपमा उम्मेद्वार हुने तयारी गरेकी छिन् ।
विजयी अध्यक्षको एजेण्डा अनुरुप गरिएका योजनामा सकृय रुपमा योगदान दिने र आफ्नो कार्यकालमा कम्तिमा एउटा प्रोजेक्ट शुरु र सम्पन्न गर्ने लक्ष्य लिएकी थापाले आफू बिजयी भएमा एनआरएनका प्रमुख बिषयहरुलाई कार्यान्वयन गर्न आफूले मुख्य भूमिका खेल्ने कुरामा प्रतिबद्द रहेकी छिन् ।
अध्यधिक मतदाता रहेको क्षेत्रहरु अमेरिका, मध्यपूर्व, युरोप, एशिया र ओसनियामा राम्रो संञ्जाल विस्तार गर्न सफल थापाले अफ्रिकामा पनि सम्पर्क बढाउँदै गरेकोले आफू जित्ने कुरामा विश्वस्त छिन् ।
आफू म्याग्दीकी चेली भएकीले म्याग्दी समाज (मोना), कास्कीकी बुहारी भएकीले कास्केली समाजको ठूलो समर्थन आफूलाई रहेको उनको दावी छ । त्यसबाहेक, राजजितिक घर नेपाली काँग्रेस हो । नेपाली काँग्रेसको छाता संगठन नेपाली जनसम्पर्क समिति विदेशमा स्थापना गर्न आफ्नो श्रीमान नारायाण थापा र आफूले पहल गरेकै हो । जापान र अमेरिकामा जनसम्पर्क समिति स्थापन गर्न योगदान गरेको कारणले पनि नेपाली जनसम्पर्क समितिका समर्थनहरुको संञ्जाल आफूसंग राम्रो भएको बताउने थापालाई वर्तमान नेकपा तथा हरेक तह र तप्कामा रहेर काम गर्ने प्रतिनिधिहरुको राम्रो समर्थन रहेको छ ।
एनआरएनएका थुप्रै एनसीसी पधाधिकारी र नेतृत्वमा आफन्त र साथीहरु छन त्यसैगरी वर्तमान आकाक्षीहरुमध्ये धेरैजनासंग तालमेल र संञ्जाल विस्तार पनि गर्दै गरेकी थापालाई संघका पूर्वज र वर्तमान नेतृत्वका सबैजसोले विगतको उनको योगदान र क्षमताको मूल्याङकन गरेका छन् ।

क्याटेगोरी : ग्लोबल, अमेरिका
ट्याग : #breaking

तपाईको प्रतिक्रिया दिनुहोस