डा. बाबुरामलाई भट्टराई माथिको कारबाही अधिनायकवाद – राजाराम शाही

दोहा – नेपाली राजनीतिमा ‘मक्किइसकेका’ दलहरूको विकल्प दिन भन्दै सँगै हिँड्ने फैसला गरेका बाबुराम र उपेन्द्रको बाटो अन्ततः ३९ महिनापछि लगभग अलग भएको छ।

जनता समाजवादी पार्टीको उपेन्द्र यादव गुटको वीरगन्जमा बसेको बैठकले एक्लौटी जसपाको विधान संशोधन गरी बाबुराम लगायतका नौ जना नेतालाई कारबाही गरेको निर्णय प्रति जसपा प्रवासका वरिष्ठ उपाध्यक्ष राजाराम शाहीले खेद व्यक्त गरेका छन्।

जसपा प्रवासका उपाध्यक्ष राजाराम शाहीले फेसबुक मार्फत चिन्ता व्यक्त गर्दै यस्तो भनेका छन् । केन्द्रीय अध्यक्ष उपेन्द्र यादवको अवैधानिक कदम प्रति खेद व्यक्त गर्दछु। “जनता समाजवादी पार्टी” (जसपा) भित्र हालै उत्सर्गमा पुगेर उत्पन्न भएको विवाद एकात्मक वादी विचार यादव पक्षद्वारा गरिएको अधिनायकवादी कदम हो।

उपेन्द्र यादव पक्षले डा. बाबुरामलाई भट्टराईलाई पदमुक्त गरेको निर्णय फगत लाज नीतिको पराकाष्ठा भएको मेरो ठम्याई छ । हाम्रो जस्तो सानो पार्टीलाई महिनौँ सम्म केन्द्रीय समितिको बैठक नडाकी अनिर्णयको बन्दी बनाई यादव पक्षले “समावेशी सहभागिता”लाई लत्त्याइ अध्यक्ष उपेन्द्र यादव नातावाद र कृपावादको चङ्गुलमा चुर्लुम्म मात्र डुबेनन् उनको किंकर्तव्यविमूढ निर्णयले जसपा प्रवासका हामी समस्त शुभेच्छुक चिन्तित छौँ। जनता समाजवादी पार्टी”का सङ्घीय परिषद् अध्यक्ष डा. बाबुराम भट्टराई माथि गरिएको भनिएको कुकृत्य निर्णय यथाशीघ्र फिर्ता गरी टेबलबाट निकास निकाल्न पहल गरियोस्।

हाल पार्टीभित्रको सिर्जित परिस्थितिमा अविचलित रही विधान संवत् उभिन प्रवासका सबैलाई हार्दिक अनुरोध गर्दछु ।

सम्बन्धित समाचार

नेपाल र कतारबीच द्विपक्षीय समझदारीमा हस्ताक्षर

प्रधानमन्त्री र कतारी अमिरबीच द्विपक्षीय भेटवार्ता जारी

प्रधानमन्त्री र कतारी अमिरबीच भेटवार्ता शुरु

तमु (गुरुङ) समाज कतारद्वारा चेलीबेटी भोज तथा कलाकार सम्मान कार्यक्रम…