एनआरएनएका कार्यकारी अध्यक्ष आचार्यले गरे मुख्य सचिव वैरागीसंग भेट, संघलाई अवश्यक सहयोगको आग्रह

काठमाडौं- गैरआवासीय नेपाली संघका कार्यकारी अध्यक्ष कुल आचार्यले नेपाल सरकारको मुख्य सचिव शंकरदास वैरागी संग भेट गर्नु भयो । उहांले संघको १०औं विश्व सम्मेलन तथा अन्तर्राष्ट्रिय महाधिवेशन सफलता पूर्वक सम्पन्न भएको जानकारी गराउंदै हाल सम्म संघले गरेका र भविष्यमा गरिने मुख्य गतिविधिहरु बारे जानकारी गराउनु भयो ।

साथै उहांले हालै सम्पन्न भएको १०औं गैरआवासीय नेपाली विश्व सम्मेलनबाट आएका निम्न निष्कर्ष तथा योजनाहरुको कार्यान्वयनमा सहयोग र समन्वय गरिदिन हुन अनुरोध गर्नु भयो ।

१. १०० कोठाको आधुनिक सुविधा सम्पन्न वृद्धआश्रम निर्माणको लागि आवश्यक जग्गा उपलब्ध गराईदिने सम्बन्धमा ।
२. वैदेशिक रोजगार सामाजिक सुरक्षा कार्यक्रम संचालनमा ल्याउनकालागि पहल गरिदिने सम्बन्धमा
३. नेपालको संविधान २०७२ मा व्यवस्था भएको गैरआवासीय नेपाली नागरिकतालाई छुट्टै विधयेक बनाएर यथासक्दो छिटो पारित गर्ने सम्बन्धमा ।
४ कम्तिमा १० अर्बको एन। आर। एन। नेपाल डेभलपमेन्ट फण्ड सम्बन्धि भएका कानुनी बाधा अड्चनलाई फुकाउनका लागि सहजीकरण गरिदिने सम्बन्धमा ।
५. वैदेशिक रोजगारबाट प्राप्त विप्रेषण सटहीमा प्रति डलर २ पैसा संघको वैदेशिक रोजगार कल्याणकारी कोषमा जम्मा गर्न सहजीकरण गरिदिने सम्बन्धमा ।

संघले राखेका यी महत्वपूर्ण विषयहरुमा मुख्य सचिव सकारात्मक हुनु भएको र यस विषयहरुलाई सम्बन्धित निकाय संग सहजीकरण गरिदिने प्रतिबद्धता व्यक्त गर्नु भयो । साथै उहांले आधुनिक सुविधा सम्पन्न बृद्धाश्रम निर्माण गर्न थालेको प्रति प्रशंसा गर्दै यस पुनित कार्यको लागि नेपाल सरकारको सहयोग रहने जानकारी गराउनु भयो । यस भेटघाटमा एन.आर.एन. नेपाल डेभलपमेण्ट फण्डका प्रमुख कार्यकारी अधिकृत अनल राज भट्टराईको उपस्थिति रहेको थियो ।

सम्बन्धित समाचार

कतार आइपुगे पूर्व परराष्ट्र मन्त्री महत । 

एनआरएन अध्यक्ष श्रेष्ठ र एफएनसीसीआई अध्यक्ष ढकालबीच ‘एनआरएन इन्भेस्टमेन्ट समिटबारे…

ठकुरी सहयोग सञ्जाल, कतारले आफ्नो ११ औं वार्षिकोत्सव भव्य रूपमा…

नेपाली व्यवसायी संघद्वारा प्रथम सचिव कृष्ण कुमार सुवेदीलाई भव्य सम्मान…