एनआरएनए आइसीसी सदस्यहरुको सपथ-पदभार ग्रहणका लागि प्रमुख संरक्षकमा निवेदनको वर्षा

काठमाडौं – गैरआवासीय नेपाली संघ अन्तराष्ट्रिय समन्वय परिषद (एनआरएनए आइसीसी) को २०२१-२०२३ कार्यकालको लागि सदस्यमा निर्वाचितहरुले आफूहरुलाइ सपथ ग्रहण गराएर पदभार नदिएको प्रति आपत्ति गर्दै प्रमुक्ष संरक्षक सम्पक्ष जाने कुरा गत २३ अक्टुवर २०२१ मा एउटा समाचार प्रकाशित गरिएको थियो।

समाचार पढेर आफूहरुले आफ्नै अधिकारबारे बोल्न नसकेकोमा दुखी हुँदै अन्तराष्ट्रिय समन्वय परिषद सदस्यमा निर्वाचितहरुले आफूहरुलाइ सपथ ग्रहण र पदभार ग्रहणका लागि प्रमुख संरक्षक तथा पूर्व अध्यक्ष शेष घले समक्ष निवेदन गर्न थालेका छन्। संघको सचिवालयका प्रमुख कार्यकारी निर्देशक राजेश शम्शेर राणा मार्फत पठाइएका निवेदनहरु २ दर्जन पुग्न लागेको बताइएको छ।

निर्वाचनमा कुनै पनि उम्मेदवारहरुलाइ सघाउनु स्वभाविक कुरा हो। तर त्यसैलाई एक किसिमले मानिलिएर आफ्नो अधिकार र जिम्मेवारी अरुले गुम्ह्राहमा राख्दा पनि नबोल्नु आफ्नै जिम्मेवारीप्रति आफैं असक्षम भएको अवस्था हो। त्यसैले पनि परिषद सदस्य निर्वाचितहरुबाट आत्मग्लानी स्वरूप यस्तो निवेदन पर्न थालेको हो।

गैरआवासीय नेपाली संघ राजनैतिक पार्टी होइन र यहाँ गुटको भन्दा पनि बिधानको कुरा प्रधान हुनुपर्छ र विस्तारै हुँदैछ। त्यसैले २०२१ मा संघको अन्तराष्ट्रिय परिषद सदस्य अर्थात केन्द्रिय सदस्यमा निर्वाचितहरुले आफूहरुलाई सपथ ग्रहण तथा पदभार ग्रहणको लागि अनुरोध गरेका हुन्। परंपरा अनुसार सो जिम्मेवारी निर्वाचन कमिटीले निर्वाचन सम्पन्न भएपछि गराउने गर्दथ्यो।

तोकिएको समयमा निर्वाचन सम्पन्न भएन। बिधानत अक्टुवर १७, २०२१ को मध्येरात देखि संघको नेतृत्वको २०१९-२०२१ को अबधि समाप्त भयो। सोहि कामका लागि बनाइएको निर्वाचन कमिटी पनि सोहि समय देखि स्वतह बिघटन भएको अवस्था हो। त्यसैले यस्तो निवेदन एक मात्र जीवित निकाय संरक्षक परिषदमा परेको हो।

अब संरक्षक परिषदको बैठक बसेर संघको गतिरोध अन्त गर्नको लागि निर्वाचित परिषद सदस्यहरुको सपथ तथा पदभार ग्रहण गराउने कुरा संघका अग्रज, २०१९-२०२१ कार्यकालका पदाधिकारी लगायतले बताएका छन्।

सम्बन्धित समाचार

गैरआवासीय नेपाली संघको उपाध्यक्षमा श्रेष्ठ, निरन्तर योगदान र नेतृत्व क्षमतामा…

एनआरएनएको एकता महाधिवेशन गर्ने बाटो खुला, शनिबार हायात होटेलमा उद्घाटन…

एनआरएनएको हितमा एक्लै भएपनि उभिन्छौँ – भट्ट

एनआरएनए एकता महाधिवेशनको मिति कुनै पनि हालतमा पर सर्दैन: उच्चस्तरीय…