पोर्चुगलमा कोरोना : मृतकको संख्या २००० नाघ्यो

पोर्चुगल — पोर्चुगलमा कोरोना भाइरसका कारण ज्यान गुमाउनेहरुको संख्या दुई हजार नाघेको छ।

स्वास्थ्य महानिर्देशनालयका अनुसार पछिल्लो २४ घण्टामा १० जनाले ज्यान गुमाएका छन्। यो संगै पोर्चुगलमा कोरोना संक्रमणले मृत्यु हुनेको संख्या २००५ पुगेको छ।

त्यस्तै सोही समयमा ९०४ जना कोरोनाका नयाँ संक्रमितहरु फेला परेका छन्। यो संगै कुल संक्रमितहरुको संख्या ७९ हजार १५१ पुगेको छ।

स्वास्थ्य महानिर्देशनालयका अनुसार पोर्चुगलमा कोरोनाको पहिलो संक्रमित मार्च महिनामा देखिएयता यो हप्ता सबैभन्दा बढी संक्रमित फेला परेका हुन्।

संक्रमितहरुमध्ये ५० हजार २०७ जना निको भईसकेका छन्। पोर्चुगलमा अझै पनि २८ हजार ९४४ जना कोरोना सक्रिय बिरामी छन्। सक्रिय संक्रमितहरुमध्ये ६८२ जनाको देशका विभिन्न कोरोना अस्पतालहरुमा उपचार भईरहेको र ति मध्ये १०५ जनाको अवस्था चिन्ताजनक भएकोले आइसियुमा उपचार भईरहेको स्वास्थ्य महानिर्देशनालयले जनाएको छ।

कोरोना संक्रमणको रोकथाममा पोर्चुगलले युरोपियन युनियनका अन्य देश्महरुमध्ये निकै सफल भएता पनि पछिल्लो समयमा जनजीवन खुकुलो हुदै गएपछि राजधानी लिस्बन कोरोनाको हटस्पट को रुपमा रहेको छ। सेप्टेम्बरको शुरुवातीसंगै राजधानी लिस्बनमा निरन्तर कोरोनाक संक्रमितहरु बढेपछि बेलायत लगायत युरोपियन युनियनका कयौ देशहरुले पोर्चुगललाई असुरक्षित गन्तव्यको रुपमा राखेको छ।

सम्बन्धित समाचार

नेपाल र चीनबीच  सूचना प्रविधिको क्षेत्रमा  सहकार्य बढाउन जोड

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै

प्रवासी भुजेल समाज कतारले पहिलो पटक रक्तदान कार्यक्रमको आयोजना गर्दै