सिद्ध कुमाख गा.पा.ले गर्‍यो कर्मचारी, स्वास्थ्यकर्मी र जनप्रतिनिधिको कोरोना बीमा

सल्यान – सल्यानको सिद्ध कुमाख गाउँपालिकाले आफु मातहतका सम्पूर्ण कर्मचारी, स्वास्थ्यकर्मी र जनप्रतिनिधिको कोरोना विमा गरेको छ ।

कोभिड १९ को संक्रमण नियन्त्रण गर्न, उद्दार तथा व्यवस्थापनमा लाग्ने सबै गरी गाउँपालिका भित्र रहेका १ सय ४ जनाको बीमा गरिएको गाउँपालिकाले जनाएको छ ।

विमा बापत प्रति व्यक्ति रु.६ सयका दरले रकम लिइ जारी गरिएको उक्त बीमामा ,बीमा जारी गरिएको १५ दिनपछी पीसिआर रिर्पोट दुई पटक पोजेटिभ देखिएमा प्रति व्यक्ति रु. १ लाखसम्म रकम उपलब्ध गराइने नेको इन्सुरेन्स  लि., सल्यान शाखा प्रमुख नारायण दाहालले जानकारी दिए ।

प्रति व्यक्ति एक लाखका दरले एक करोड चार लाखको विमा गरिएको दाहालको भनाई छ । तीन महिनादेखि जेष्ठ नागरिकसम्मले कोरोना विमा गर्न सक्ने उनको भनाई छ ।

तीन महिनादेखि  ९९ बर्ष सम्मका जेष्ठ नागरिकले  गर्न सकिने उक्त कोरोना बीमामा, बीमाको समय अवधी भने एक बर्ष वर्षको हुनेछ ।

दाहालले नेपाल कोरोनाको उच्च जोखिम क्षेत्रमा परेको हुँदा सबै नेपालीले समयमै बीमा गरी आफु सुरक्षित रहन समेत आग्रह गरेका छन ।

क्याटेगोरी : समाचार, स्वास्थ्य
ट्याग : #breaking, #Insurance

सम्बन्धित समाचार

प्रवासी भुजेल समाज कतारको आठाै महाधिवेशन सप्पन्न

एनआरएनएको उच्चस्तरीय मेलमिलाप समितिमा चार सदस्य थप

कतार आइपुगे पूर्व परराष्ट्र मन्त्री महत । 

एनआरएन अध्यक्ष श्रेष्ठ र एफएनसीसीआई अध्यक्ष ढकालबीच ‘एनआरएन इन्भेस्टमेन्ट समिटबारे…