कोरोना अपडेट : कतारमा आज मात्र ३९२ जना संक्रमित, ३७ जनाको अवस्था गम्भीर

दोहा – कतारमा विश्व महामारीको रुपमा रहेको कोरोना भाईरस (कोभिड-१९) बाट आज थप 3 सय ९२ नयाँ संक्रमित भएको पुष्टि भएको छ । यो अहिले सम्मको अधिकतम संख्या हो। यो संगै कतारमा भाइरस संक्रमितको संख्या ४  हजार १ सय ३  जना पुगेको छ । अहिले सम्म ७ जनाको मृत्यू भएको छ भने ३७ जनाको अवस्था गम्भीर रहेको छ।

त्यस्तै आज मात्र थप ९ जनाले पूर्ण स्वास्थ्य लाभ गरेका छन् । यो संगै अहिले सम्म पूर्ण निको भएर घर फर्कनेको संख्या ४ सय १५ जना पुगेको छ । आज सम्म ५६ हजार ३ सय ८१ जनाको जाँच भएको छ ।

कतारमा संक्रमति लक्षण देखिएका विरामीहरुलाई निकै तदारुपताका साथ तत्काल परिक्षण गरिने गरेको छ। यसका लागि देश भर सरकारी, स्थानीय एवं नेपाली लगाएत आप्रवासीहरुलाई स्वयंसेवकका रुपमा खटाई अभियान नै चालेर सचेतना गराइएको छ। तसर्थ शुरुवातिमै उपचार पाएको हुँदा मानवीय क्षति नगन्य अवस्थामै निकै न्यून रहेको छ।

अहिले सम्म कति जना नेपाली कोरोनाबाट संक्रमित भएका छन् भन्ने तथ्याङ्क बाहिर नआएपनि कुनै पनि नेपाली आइसियू तथा चिन्ताजनक र मृत्यू भएको छैन।

केहि कतार सरकारको क्वारेन्टाइन रहेका नेपालीहरु खुशी नै भएको र मोबाइल लगाएतको सबै सुविधा भएको हुँदा कुनै समस्या देखिएको छैन।

सबै जना आ-आफ्नो परिवारसंग निरन्तर सम्पर्कमा रहेको जानकारी उक्त नेपालीहरुले राजदूतावासलाई फोन गरेर जानकारी गराएका छन्। खाद्यान्न लगाएत समस्या परेका नेपालीलाई नेपाली राजदूतावासले सहजीकरण गरिरहेको छ । समस्या परेका नेपालीहरुले राजदूतावासमा वा एनआरएनए कतारलाई सम्पर्क गर्न सक्नेछन।

सम्बन्धित समाचार

एनआरएनएको हितमा एक्लै भएपनि उभिन्छौँ – भट्ट

हर्मोसा ब्युटीपार्लरको दोस्रो वार्षिकोत्सव सप्पन्न

दुतावासद्वारा राहदानी नवीकरण तथा निशुल्क स्वास्थ्य शिवरि सम्पन्न

महासंघद्वारा नेपाल व्यवसायी संघ कतारलाई वैदेशिक सदस्यता प्रदान