कोरोना कहर : युएईबाट नेपाली स्वदेश फर्काउन दूतावासलाई ज्ञापन पत्र

सुर्य बहादुर खवास चैत्र २८, २०७६ गते ४:१४ मा प्रकाशित

युएई – विश्व अहिले कोरोना महाव्याधिको चपेटामा परेको छ । यसबाट युएई पनि अछुतो रहेको छैन ।

अन्तरास्ट्रिय स्तरको स्वास्थ्य सेवा हुँदा हुँदै पनि दिन दुगुना रात चौगुना संक्रमण बढ्दो छ । यसको प्रत्यक्ष असर वैदेशिक रोजकारिमा आएका कामदारहरुमा देखिन थालेको छ ।

कतिपय कम्पनीहरुले कामदार कटौती त कतिपयले बेतलवी बिदा दिन थालिसकेका छन । यसले झन भोलि के होला भन्ने अन्योलता थपिएको छ ।

युएईमा हाल अढाई लाख बढी नेपाली कार्यरत रहेको अनुमान गरिएकाे छ। अहिलेको यस विषम परिस्थितिमा समस्यामा परेका नेपालिहरुलाई उद्दारगरि स्वदेश फर्काउन माग गरिएको छ ।

विश्वभरी आफ्नो संजाल भएको एनआरएन युएई तथा युएईमा कृयाशिल ४१ वटा संस्था आवद्ध नेपालिहरुको पुरानो संस्था नेपाली समाज युएईले दूतावासको ध्यानाकर्षण गराउदै छुट्टाछुट्टै ज्ञापन पत्र बुझाएका छन् ।

ज्ञापनपत्रमा नेपाली समाज युएईका अध्यक्ष गोविन्द ढकाल तथा एनआरएन युएईका जनरल सेक्रेटरी नरेस सेनले हस्ताक्षर गरेको गरेका छन् ।

उक्त ज्ञापनपत्रमा कामदार कटौतिमा परेका, स्वइच्छाले कम्पनिबाट राजिनामागरी घर फर्कन चाहेका (कोरोना संक्रमित नभएका), भिजिट भिषामा युएई आएका भिषा अवधी सकिएकाहरु अलपत्र पर्ने अवस्थामा पुगेकोहरुलाई अविलम्ब स्वदेश फर्काउन संबन्धित निकायसँग समन्वय गरि उपयुक्त व्यवस्था मिलाउन अनुरोध गरिएको छ ।