इजरायलविरुद्ध दक्षिण अफ्रिकाको मुद्दाको सुनुवाइ गर्दै अन्तर्राष्ट्रिय अदालत

एजेन्सी । हेगस्थित अन्तर्राष्ट्रिय अदालतले आजदेखि इजरायलविरुद्ध ‘गाजामा प्यालेस्टाइनीको नरसंहार’ गरेको आरोपमा मुद्दाको सुनुवाइ गर्दैछ। दक्षिण अफ्रिकाले इजरायलविरुद्ध यो मुद्दा दायर गरेको थियो ।

दक्षिण अफ्रिकाले अक्टोबर ७ मा हमासको आक्रमणको प्रतिक्रियामा इजरायलले गरेको सैन्य कारबाही प्यालेस्टिनी जनसंख्याको ठूलो हिस्सालाई नष्ट गर्ने उद्देश्य रहेको बताएको छ।

यस मुद्दामा दक्षिण अफ्रिकाले इजरायलको हवाई हमला र आफ्नो असफलतालाई पनि उद्धृत गरेको छ।

दक्षिण अफ्रिकाले इजरायलले नागरिकहरूलाई हानिबाट जोगाउन र उनीहरूलाई मानवीय सहायता पुग्न अनुमति दिन असफल भएको आरोप लगाएको छ।

दक्षिण अफ्रिकाको दाबीअनुसार इजरायलले त्यहाँ नरसंहार गर्ने उद्देश्य राखेको थियो। इजरायलले दक्षिण अफ्रिकाको आरोपलाई कडाइका साथ अस्वीकार गर्दै निराधार भएको बताएको छ।

दक्षिण अफ्रिकाले पनि इजरायललाई गाजामा आफ्नो सैन्य अभियान रोक्न आदेश जारी गर्न अन्तर्राष्ट्रिय अदालतका न्यायाधीशहरूलाई अपील गरेको छ।

सम्बन्धित समाचार

आठ देशका लागि राजदूत नियुक्ति सिफारिस, कुन देशमा कसलाई गरियो…

सुँगुरको मिर्गौला प्रत्यारोपण गरिएका रिचर्डको निधन

कंगनालाई दियो भाजपाले लोकसभा चुनावको टिकट

दिल्लीका मुख्यमन्त्री अरविन्द केजरीवाल पक्राउ