एनआरएनए निर्वाचन : महिला उपाध्यक्ष पदमा रोजिनाको उम्मेदवारी

गैरआवासीय नेपाली संघ (एनआरएनए)को निर्वाचनमा रोजिना प्रधान राईले महिला उपाध्यक्ष पदमा उम्मेदवारी दिएकी छन् ।

महिलाको मुद्दामा दृढताका साथ काम गर्न प्रतिबद्धताका साथ आफूले सो पदमा उम्मेदवारी मनोनयन दर्ता गरेको राईले बताइन् । उनले सबैको साथ, समर्थन अपेक्षासहित विजयी गराउन आग्रह समेत गरिन् । एनआरएनएको निर्वाचन यही असोज ३ गते हुने छ ।

बेलायतकी महिला अभियन्ता, सामाजिक ब्यक्तित्व तथा व्यवसायी राईले यसअघि महिला सचिवमा उम्मेदवारी दिने सोच बनाएकी थिइन् । तर, अग्रज र एनआरएनए अभियन्ताहरुको सुझाव सल्लाह शिरोधार्य गर्दै आफूले महिला उपाध्यक्ष भएर सेवा गर्ने निष्कर्षका साथ सो पदमा उम्मेदवारी दिएको उनको भनाइ छ ।

आफ्नो समर्पण र अनुभव सुहाउँदो जिम्मेवारीका लागि आकांक्षा राखेको उल्लेख गर्दै रोजिनाले महिलाहरुको सम्मानका साथ समान हक अधिकार र हरेक क्षेत्रमा महिला उपस्थिति गराउने प्रण गरेकी छन् । संसारभर रहेका महिलाहरुको समस्या अनुमोदन गर्न एक लाख डलरको अक्षय कोष खडा गर्ने वाचा उनको रहेको छ ।

उनले युग सुहाउँदो स्मार्ट एनआरएनए बनाउन प्रयत्न गर्ने, युवा र महिला सशक्तिकरणका प्रभावकारी कार्यक्रम ल्याइ रु ५ लाखको ‘एनआरएनए उत्कृष्ट महिला पुरस्कार’ घोषणा गर्ने, सामूहिक लगानी, पर्यटन र व्यापार प्रवर्धनमा लाग्ने, प्रवासमा नेपाली कला संस्कृति, भाषा र भेषभूषाको प्रर्वधनमा लाग्ने लगायत एजेन्डा पनि सारेकी छन् ।

एनआरएनए अभियानमा लामो समयदेखि क्रियाशिल उनले एनआरएनए यूके उपाध्यक्ष हुँदै केन्द्रको विभिन्न टास्कफोर्समा रहेर काम गरि आफ्नो कार्य कुशलता संसारभर देखाईसकेकी छन् ।

सम्बन्धित समाचार

गैरआवासीय नेपाली संघको उपाध्यक्षमा श्रेष्ठ, निरन्तर योगदान र नेतृत्व क्षमतामा…

एनआरएनएको एकता महाधिवेशन गर्ने बाटो खुला, शनिबार हायात होटेलमा उद्घाटन…

एनआरएनएको हितमा एक्लै भएपनि उभिन्छौँ – भट्ट

एनआरएनए एकता महाधिवेशनको मिति कुनै पनि हालतमा पर सर्दैन: उच्चस्तरीय…