जनसवाल राष्ट्रिय दैनिकका सम्पादक रामजी बगाले पत्रकारिता उद्यमशीलता पुरस्कारबाट सम्मानित

दीप संञ्चार साउन १६, २०७९ गते ८:४४ मा प्रकाशित

जनसवाल राष्ट्रिय दैनिकका सम्पादक रामजी बगाले पत्रकारिता उद्यमशीलता पुरस्कारबाट सम्मानित भएका छन् ।

आइतबार निगरानी दैनिकले आफनो प्रथम वार्षिकोत्सवको अवसरमा आयोजना गरेको ‘वैदेशिक रोजगारका क्षेत्रमा देखिएका समस्या समाधानका उपायहरु’ विषयक विचार गोष्ठी तथा सम्मान कार्यक्रममा सम्पादक बगालेलाई उक्त सम्मान प्रदान गरिएको हो ।

कार्यक्रममा श्रममन्त्री शेरबहादुर कुँवर र एनआरएनए अध्यक्ष कुल आचार्यले सम्पादक बगालेलाई पुरस्कारसहित सम्मानपत्र हस्तान्तरण गरेका थिए ।

सम्पादक बगालेले विगत २३ वर्षदेखि आप्रवासी कामदारका पक्षमा कलम चलाउँदै आएका छन् । वैदेशिक रोजगार र एनआरएनएका विषयमा निरन्तर कलम चलाउँदै आएका बगालेको पत्रकारिता क्षेत्रमा योगदानको सम्मान गरिएको आयोजकले उल्लेख गरेको छ ।

क्याटेगोरी : ग्लोबल
ट्याग : #जनसवाल राष्ट्रिय दैनिक, #रामजी बगाले