अन्तराष्ट्रिय रोल्पाली सेवा समाजले वार्षिक अवसर पारेर तीज कार्यक्रम गर्दै

दीप संञ्चार साउन १०, २०७९ गते १८:४८ मा प्रकाशित

हिन्दु धर्मावलम्बीहरुमा विशेष गरेर महिलाहरुले मनाइने महान चाड हरितालिका तीजलाई मध्यनजर गर्दै अन्तराष्ट्रिय रोल्पाली सेवा समाजले वार्षिक अवसर पारेर तीज कार्यक्रम गर्ने भएको छ ।

ग्रान्स मल नजिकै पलाजाको व्हाट हाउस रेस्टुरेन्टमा कार्यक्रम गर्ने भएको हो । कतारमा बस्ने नेपालीहरुलाई लक्षित गरेर रोल्पाली सेवा समाजले कार्यक्रम सञ्चालन गर्दै छ ।

मे २२ मा बसेको बैठकले २६ अगस्टमा गर्ने भनिएको कार्यक्रम गैरआवासीय नेपाली संघ कतारले पनि सोही दिन गर्ने हुँदा कार्यक्रम सरेर १९ अगस्टमा हुने भएको हो ।

अगस्ट १९ मा पनि थुप्रै महिनामा ४ वटा मात्र शुक्रबार पर्ने हुँदा कार्यकम जुध्न गएको बताइएको छ। संस्थाहरुसँग कार्यक्रम जुधे पनि कार्यक्रम गर्ने भएको छ ।

कार्यक्रम एकैदिन पर्ने हुँदा हुने असहजता र असरप्रति क्षमा माग्दै हाल कतारमा रहेका भएका सम्पूर्ण सामाजिक संस्था, बैचारिक संस्था, राजनैतिक संस्था , पत्रकार साथीहरू , कलाकार , बुद्धिजीवी वर्ग विभिन्न व्यवसायमा संग्लग्न रहेका साथीहरूलाई कार्यकममा आमन्त्रण गरेको संस्थाका अध्यक्ष दिपेन्द्र डांगीले जानकारी दिए ।

क्याटेगोरी : ग्लोबल, गल्फ
ट्याग : #अन्तराष्ट्रिय रोल्पाली सेवा समाज