दाङमा डेंगुको संक्रमणबाट एक महिलाको मृत्यु

दाङ, डेंगुको संक्रमण बाट दाङमा एकजनाको ज्यान गएको छ । ज्यान जानेमा दंगीशरण गाउँपालिका वडा नं. १ फुर्केसल्ली मलैकी २१ वर्षिया प्रतिक्षा बुढाको रहेकी छन् ।

केहि दिन अघि डेंगु रोगबाट संक्रमण भएकी बुढाको दाङ्गका बिभिन्न अस्पतालमा उपचार गर्दा समेत निको हुन नसक्दा नेपालगंज लागिएको थियो । नेपालगञ्ज मेडिकल कलेजमा उपचारका क्रममा उनको ज्यान गएको आफन्तले बताएका बताएका छन् ।

दाङका विभिन्न अस्पतालमा जाँच गराउँदा पनि रोग पत्ता नलागेपछि मृतक बुढालाई भदौ ७ गते उपचारका लागि नेपालगञ्ज लागिएको थियो । दाङमा अहिलेसम्म ४२ जना डेंगुका बिरामी फेला परेको स्वास्थ्य कार्यालय दाङले जनाएको छ ।

दाङमा डेंगुको बिरामीको संख्या दैनिक जसो बढ्दै गएको जिल्ला स्वास्थ्य कार्यालय डेंगु रोग दाङका फोकल पर्सन कमल चन्दले बताए । चन्दका अनुशार दाङमा हालसम्म १८ जना महिला र २४ पुरुषमा डेंगुको संक्रमण देखिएको जानकारी दिए ।

सम्बन्धित समाचार

लमही नगरपालिकाले रिहार धामका लागि बजेट नछुट्याउदा अध्यक्ष खत्रीको आपत्ति

छोराको शुल्क तिर्न मासिक ३ प्रतिशत ब्याजमा आमाको तिलहरी धितो

राष्ट्रिय बाणिज्य बैंक घोराही शाखाद्वारा ‘वित्तीय साक्षरता कार्यक्रम’ सञ्चालन

गुल्मीमा माछा मार्ने क्रममा करेन्ट लागेर एक जनाको मृत्यु