पुटिनद्वारा नोभेम्बरमा हुने जी२० को शिखर सम्मेलनको निमन्त्रणा स्वीकार

रुसी राष्ट्रपति भ्लादिमिर पुटिनले नोभेम्बरमा इन्डोनेसियाको बाली टापुमा हुने जी२०को शिखर सम्मेलनमा भाग लिनको लागि निमन्त्रणा स्वीकार गरेका छन ।

इन्डोनेसियाका राष्ट्रपति जोको विडोडोले शुक्रबार एक विज्ञप्ति मार्फत उक्त जानकारी गराएका छन ।

“इन्डोनेसिया जी२० लाई एकताबद्ध गर्न चाहन्छ। यसलाई विभाजन हुन नदिनुहोस्। विश्व अर्थतन्त्रको पुनरुत्थान र विकासको लागि शान्ति र स्थायित्व प्रमुख हो, ”इन्डोनेसियाको मन्त्रिपरिषद्को विज्ञप्तिमा विडोडोले भने।

विडोडोले यस हप्ताको सुरुमा युक्रेनी राष्ट्रपति भोलोडिमिर जेलेन्स्कीलाई निमन्त्रणा पनि गरेका थिए । तर उनि शिखर सम्मेलनमा भाग लिने कि नलिने भन्ने बारेमा भने बताएनन ।

यस हप्ताको सुरुमा विडोडोले पुटिन र जेलेन्स्कीसँग छुट्टाछुट्टै दूरवार्ता गरेका थिए ।

उनले पुटिनलाई युक्रेनमा युद्ध “तत्काल” अन्त्य गर्ने महत्त्व र द्वन्द्वको शान्तिपूर्ण समाधानमा योगदान गर्ने इन्डोनेसियाको चाहनाबारे बताए।

विडोडोले युक्रेनलाई मानवीय सहायता प्रदान गर्न जेलेन्स्कीलाई इन्डोनेसिया तत्पर भएको बताएका थिए ।

सम्बन्धित समाचार

आठ देशका लागि राजदूत नियुक्ति सिफारिस, कुन देशमा कसलाई गरियो…

सुँगुरको मिर्गौला प्रत्यारोपण गरिएका रिचर्डको निधन

कंगनालाई दियो भाजपाले लोकसभा चुनावको टिकट

दिल्लीका मुख्यमन्त्री अरविन्द केजरीवाल पक्राउ