चीनमा दुर्घटनाग्रस्त विमानको भग्नावेशषमा खोजी कार्य जारी

दीप संञ्चार चैत्र ८, २०७८ गते ११:२३ मा प्रकाशित

एजेन्सी-चीनमा सोमबार दुर्घटनाग्रस्त विमानको भग्नावशेषबाट शव संकलन गर्ने र खोजी कार्य मंगलबार पनि जारी छ ।
१३२ यात्रु सवार चाइना इस्र्टनको बोइङ ७३७ दक्षिणपश्चिम चीनको ग्वाङसीको एउटा पहाडमा दुर्घटनग्रस्त भएको थियो ।

छरिएको भग्नावशेषबाट मंगलबार पनि खोजी जारी रहेको चिनियाँ सरकारी सञ्चार माध्यम सीसीटीभीले जनाएको छ । सो विमान सोमबार दिउँसो कुन्मिङ शहरबाट गुआन्झोउका लागि उडेको थियो ।

२९ हजार १ सय फिट माथि उडिरहेको जहाज एक मिनेटभित्रै ८ हजार फिटको उचाइमा आइपुगेको थियो। केहीबेर फेरि उचाइ लिन खोजे पनि जहाज जमिनमा झरेको थियो। जसमा चिनियाँ राष्ट्रपति सी चिनफिङले गहिरो दुस्ख प्रकट गर्दै उद्धारमा तदारूकताका साथ खटिन हवाई सुरक्षामा ध्यान दिन निर्देशन दिइसकेका छन्।

क्याटेगोरी : अन्तराष्ट्रिय समाचार
ट्याग : #विमान दुर्घटना