एनआरएनए निर्वाचन रोक्न परराष्ट्र मन्त्रालयले दिएको निर्देशनविरुद्दको मुद्दा आज स्थगित

काठमाडौँ -परराष्ट्र मन्त्रालयले एनआरएनए निर्वाचन रोक्न दिएको निर्देशन बिरुद्द पाटन उच्च अदालतमा बुधवार फाल्गुन  ११ का लागि तोकिएको पेशी अन्तिम अवस्थामा आएर रोकिएको छ ।

बुधवार परराष्ट्र मन्त्रालय र एनआरएनएका कानुनविदहरु बहसका लागि अदालत पुगेपनि पालोका कारण बहस गर्न नभ्याएको भन्दै बुधवारको पेशी रोकिएको छ ।

संघ र परराष्ट्र मन्त्रालयबीचको मुद्दाको सुनुवाई आज बुधवार पाटन उच्चअदालतको १४ नम्बर इजलासमा न्यायधिशद्धय बबिता उप्रेती र मिना गौतम सेढाईको संयुक्त इजलासमा हुने भएको थियो । सो इजलासमा आज ११ वटा मुद्दाको पेशी तोकिएको मध्य संघ र मन्त्रालयको मुद्दा ९ नम्बरमा परेको थियो । उक्त मुद्दा आज स्थगित भएको छ ।

परराष्ट्र मन्त्रालयले एनआरएनएलाई निर्वाचन रोक्न निर्देशन दिएपछि पाटन उच्च अदालतले मंशिर ११ गते केहि समयको लागी अन्तरिम आदेश दिँदै परराष्ट्र मन्त्रालयका पत्र कार्यान्वयन नगर्नु र नगराउनु भन्दै अन्तरिम आदेश दिएको थियो । उक्त मुद्दाको पेशी बुधवारका लागि तोकिएको थियो ।

अदालतका बिभिन्न मुद्दामा एनआरएनए -परराश्ट्र बिरुद्दको पेशी नौ नंवरमा थियो । अदालतका न्यायाधिशहरुले चार, पाँच वटा मुद्दामा बहस गर्दा समय नपुग भएपछि एनआरएनएको पेशी रोकिएको हो । अर्को पेशी प्रशासनले तोक्ने हुँदा दुई सातादेखि तिन सातामा तोकिने संभावना रहेको छ ।

सम्बन्धित समाचार

गैरआवासीय नेपाली संघको उपाध्यक्षमा श्रेष्ठ, निरन्तर योगदान र नेतृत्व क्षमतामा…

एनआरएनएको एकता महाधिवेशन गर्ने बाटो खुला, शनिबार हायात होटेलमा उद्घाटन…

एनआरएनएको हितमा एक्लै भएपनि उभिन्छौँ – भट्ट

एनआरएनए एकता महाधिवेशनको मिति कुनै पनि हालतमा पर सर्दैन: उच्चस्तरीय…