दाङको तेलियामा शिब मन्दिर उद्घाटन

प्रिया स्मृती गजमेर भदौ १४, २०७६ गते १७:५० मा प्रकाशित

दाङ, स्थानियहरुले रकम संकलन गरेर शिब मन्दिर निर्माण गरेका छन् । लमही नगर पालिका वडा नम्बर ९ को तेलियामा निर्माण गरिएको शिव मन्दिरको लमही नगरपालिका नगर प्रमुख कुलबहादुर केसीले एक कार्यक्रमका बिच उद्घाटन गरेका हुन् ।

लमही नगरपालिका वडा नम्बर ९ तेलियाका स्थानियहरुले दुई लाख पचाँस हजार रकम संकलन गरि निर्माण गरिएको स्थानिय गुरु प्रसाद केसीले जानकारी दिएका छन् । उद्घाटन कार्यक्रममा बोल्दै नगर प्रमुख केसीले मन्दिरको संरक्षण गर्न जरुरी रहेको बताएका छन् ।

कार्यक्रममा लमही नगरपालिका वडा नमबर ९ का वडाध्यक्ष भेषबहादुर केसी, नेकपाका लमही नगर इञ्चार्ज अमर कवर, ईलाका प्रहरी कार्यालय अमिलियाका प्रहरी निरिक्षक खिम बहादुर घर्ती लगाएतले मन्तब्य व्यक्त गरेका थिए । उक्त शिब मन्दिर सिउरेनी तालको छेवैमा निर्माण गरिएको छ ।

निर्माण कार्यमा स्थानियहरुले श्रमदान समेत गरेका थिए । कार्यक्रमको सहजिकरण तिलक केसीले गरेका थिए ।

क्याटेगोरी : प्रदेश ५