रिहारको कर्मठले मनायो तिज मिलन कार्यक्रम

दीप संञ्चार भदौ ११, २०७६ गते १३:२९ मा प्रकाशित

दाङ, लमही नगर पालिका वडा नम्बर ९ को आर्थिक सहयोग एवे कर्मठ सामाजिक उद्घमी महिला सहकारी सस्था लिमिटेडको आयोजनामा मंगलबार रिहारमा तिज मिलन कार्यक्रम सम्पन्न भएको छ ।

संस्थाका अध्यक्ष देबीमाया थापाको सभापतित्व तथा वडा नम्बर ९ का वडा अध्यक्ष भेष बहादुर केसीको प्रमुख आतिथ्यमा कार्यक्रम सम्पन्न भएको हो । चालु आर्थिक बर्षको कुल बजेटबाट तिज मिलन कार्यक्रम गरिएको वडाध्यक्ष केसीले बताएका छन् । कर्मठ सामाजिक उद्घमी महिला सहकारी संस्था लिमिटेडले आयोजना गरेको कार्यक्रममा बोल्दै वडाध्यक्ष केसीले कुनै पनि चाडलाई बिकृतिको रुपमा मनाउन नहुने भन्दै समाजमा सकारात्मक संदेश दिने गरि चाड मनाउन सबैलाई आग्रह गरेका छन् ।

कार्यक्रममा ईलाका प्रहरी कार्यालय अमिलियाका प्रमुख खिम बहादुर घर्ती, नेकपाका लमही इन्चार्ज अम्मर कवर, नेपाली कांग्रेसका वडासभापती गुरुप्रसाद केसी,समाजसेबी खिम बहादुर केसी, तेज बहादुर केसी, बगार बाबा धार्मिक बिकास समितिका अध्यक्ष मेघसिंह पछाई, वडा सदस्य पार्वती बिक, खिम बहादुर योगी लगायतले सुभ कामना मन्तब्य व्यक्त गरेका थिए ।

कार्यक्रममा सहभागी भएका अतिथिहरुलाई संस्थाका अध्यक्ष देबीमाया थापाले मायाको चिनो प्रदान गरेकी थिइन् । कार्यक्रमको सहजिकरण पत्रकार प्रिया स्मृती गजमेरले गरेका थिए ।