मोटरसाईकिल दुर्घटनामा दुईको मृत्यु

प्रिया स्मृती गजमेर साउन ३२, २०७६ गते १७:३५ मा प्रकाशित

दाङ, देउखुरीमा आज भएको मोटर साईकल दुर्घटनामा दुई जनाको ज्यान गएको छ ।

घोराही देखि नेपालगंज जादै गरेको रा ३ प ११३१ नम्बरको मोटरसाईकल लमही नगर पालिका वडा नम्बर नौ को रिहार नजिकै दुर्घटना हुदा बांके जिल्ला नेपालगंज उपमहानगरपालिका वडा नम्बर चार कारकांदो बस्ने बर्ष पैतालिसका रमेश बस्नेतको लमही अस्पतालमा उपचार गर्ने क्रममा ज्यान गएको हो ।

त्यस्तै दुर्घटनामा गम्भीर घाइते भएका घोराही उपमहानगर पालिका वडा नम्बर पाच धर्ना निवासी बिनोद बस्नेतको राप्ती स्वास्थ्य बिज्ञान प्रतिस्ठान घोराहीमा उपचारका क्रममा ज्यान गएको जिल्ला प्रहरी कार्यालय दाङ्गले जनाएको छ ।