फ्लोरिडाको समुन्द्री तटमा डुङ्गाबाट उद्धार गरिएका करिब १०० जनासँग दुई दिन सम्म न खानेकुरा न पानी : अमेरिकी तटरक्षककर्मी

दीप संञ्चार असोज ३१, २०७९ गते १९:१४ मा प्रकाशित

फ्लोरिडाको समुन्द्री तटमा डुङ्गाबाट उद्धार गरिएका करिब १०० जनासँग न खानेकुरा न पानी भएको अमेरिकी तटरक्षककर्मीले बताए ।

फ्लोरिडाको तटमा भीडभाड भएको डुङ्गाबाट उद्धार गरिएका अधिकांश हैटीका थिए ।

समुन्द्रीतट रक्षक उदग्रबिमान९हेली कप्टर०ले गत हप्ता फ्लोरिडाको बोका रेटोनबाट २० माईल पूर्वमा ९६ हैटीहरूका साथै युगान्डा र बहामासका यात्रुहरुलाई भेटेका थिए । उनीहरुलाई आइतबार बहामियाको अधिकारीहरुलाई स्थान्तरण गरिएको छ ।

यात्रुहरूले तटरक्षक दलका सदस्यहरूलाई उनीहरू एक हप्तादेखि समुद्रमा रहेको र पछिल्ला दुई दिनमा खाना र पानीको अभाव भएको बताएका थिए । ४० फिट अग्लो केबिन क्रुजर नामक डुंगामा ५३ पुरुष, ३५ महिला र १० बालबालिकाहरु क्षमता भन्दा ज्यादा समुन्द्री तटरक्षक बिभागले एक विज्ञप्तिमा जनाएको छ । बिज्ञप्तिमा कोही पनि घाइते नभएको बताईएको छ ।

“तस्करहरू तपाईहरु बाँच्नुहुन्छ वा मर्नुहुन्छ वास्ता गर्दैनन्,” तटरक्षकको जिल्ला ७ का प्रमुख रोबर्ट किन्सेले भने । भोजनको अभाव र क्षमता भन्दा ज्यादा मानिस भएको जहाजलाई उद्धृत गर्दै भने “यी मानिसहरू भाग्यशाली हुन् र जीवित रहेका छन् ।”

तस्बिर कृतज्ञता : एनबिसीन्यूजर अमेरिकी समुन्द्री तट रक्षक

क्याटेगोरी : अन्तराष्ट्रिय समाचार