न्युयोर्कका सांसदहरूले सरकारी भवन र विद्यालयमा लुकाएर हतियार बोक्न प्रतिबन्ध लगाउने विधेयक पारित

अमेरिकाको सर्वोच्च अदालतले बन्दुक कानूनलाई खारेज गरेको प्रतिक्रियामा न्यूयोर्कका सांसदहरूले बन्दुक सुरक्षा विधेयक पारित गरेका छन ।

अमेरिकी सर्वोच्च अदालतले गत हप्ता राज्यको शताब्दी पुरानो कानूनलाई खारेज गरेपछि न्युयोर्क राज्यको व्यवस्थापिकाले शुक्रबार सरकारी भवन र विद्यालय जस्ता स्थानहरूमा लुकाएर हतियार बोक्न प्रतिबन्ध लगाउने विधेयक पारित गरेको छ।
।
राज्य सिनेटले शुक्रबार दलको आदेश अनुसार (पार्टी-लाइन) मतदानमा हुँदा ४३-२० ले पारित गरेको छ । प्रदेश सभाले शुक्रबार साँझ ९१-५१ मा विधेयक पारित गरेको हो।

यस मुद्दालाई सम्बोधन गर्न गत बिहीबार व्यवस्थापिकाको असाधारण सत्र बोलाउने न्यूयोर्कका गभर्नर क्याथी होचुलले विधेयकमा हस्ताक्षर गर्ने अपेक्षा गरिएको छ। “म यो समाप्त हुने बित्तिकै कानूनमा हस्ताक्षर गर्न तत्पर छु,” डेमोक्र्याटिक गभर्नरले शुक्रबार भनिन ।

नयाँ कानूनले लुकाएर बोक्ने अनुमति प्राप्त गर्न कडा इजाजतपत्र प्रक्रिया र “संवेदनशील” मानिने स्थानहरूको सूची अन्तर्गत टाइम्स स्क्वायर सहित अन्य केही स्थानहरुमा जहाँ बन्दुक राख्ने अवैध हुनेछ भनि सिएनएनले जनाएको छ ।

संवेदनशीलका रूपमा परिभाषित अन्य क्षेत्रहरूमा सरकारी स्वामित्वका भवनहरू, विद्यालयहरू, स्वास्थ्य सेवा सुविधाहरू, पूजास्थलहरू र सार्वजनिक यातायात समावेश छन्। निषेधित स्थानमा बन्दुक बोकेर हिँड्ने व्यक्तिलाई कानुनबमोजिम जघन्य अपराधको मुद्दा लाग्न सक्छ भनि सिएनएनले उल्लेख गरेको छ ।

सांसदहरूले बिहीबार अन्तिम बिधेयकमा केही बहस पछि र रिपब्लिकनहरूको आलोचना गर्दै शुक्रबार मतदान गरि बिधेयक पारित गरेका छन् ।

सम्बन्धित समाचार

आठ देशका लागि राजदूत नियुक्ति सिफारिस, कुन देशमा कसलाई गरियो…

सुँगुरको मिर्गौला प्रत्यारोपण गरिएका रिचर्डको निधन

कंगनालाई दियो भाजपाले लोकसभा चुनावको टिकट

दिल्लीका मुख्यमन्त्री अरविन्द केजरीवाल पक्राउ