दाङ क्षेत्र नम्बर १ (२)मा खड्का निर्वाचित, निवर्तमान मेयर खत्री फराकिलो मतले पराजित

दाङ – दाङ क्षेत्र नम्बर १ (२) मा नेपाली कांग्रेसका उम्मेदवार अनुराग खड्का निर्वाचित भएका छन्।

खड्काले उनका निकटतम प्रतिद्वन्द्वी नेकपा एमालेका उम्मेदवार कुल बहादुर खत्रीलाई ३ हजार ५२ फराकिलो मतको अन्तरले पराजित गरेका छन ।

कुल ३८ हजार ५ सय ९२ खसेको मत मध्य खड्काले १६ हजार २ सय २२ मत प्राप्त गरेका थिए भने खत्रीले १३ हजार १ सय ७० मत प्राप्त गरेका थिए ।

लमही नगरपालिकाका निवर्तमान मेयर खत्रीलाई २८ वर्षीय खड्काले पराजित गरे संगै लुम्बिनीका कान्छा प्रदेश सभा सांसद बनेका हुन् ।

पूर्व गृहमन्त्री तथा नेपाली काँग्रेसका प्रभावशाली नेता स्वर्गीय खुम बहादुर खड्काका एक मात्र पुत्र खड्काले आफ्नोअनुराग खुमबहादुर खड्काका छोरा हुन्। बुबाको निधनपछि अनुराग राजनीतिमा लागेका थिए। बुबाकै योगदानको जगमा उनले चुनाव जितेका भए पनि उनी राजनीतिक विरासतबाट मात्रै नभई एक सक्षम र राजनीतिक उच्च चेतनाका कारण छोटो समयमा लोकप्रियता पाएका हुन् ।

बुबाको १३ औंको पून्य तिथिको समयमा श्रद्धाञ्जली सभालाई सम्बोधन गर्दै अनुरागले आफू राजनीतिमा सक्रिय हुने घोषणा गरेका थिए। खड्काले आफू राजनीतिलाई नियाली रहेको र आफ्नो बेलायतको अध्ययनलाई सकाएर अब राजनीतिमा सकृय रहने बताएका थिए ।

कांग्रेसको १४ औं महाधिवेशनमा महाधिवेशन प्रतिनिधि तथा महासमिति सदस्य खड्काले पुख्यौली गाउँमा घरसमेत बनाएका छन्। पुरानो घर द्वन्द्वकालमा माओवादीले बम हानेर ध्वस्त बनाइदिएको थियो। अहिले त्यही नयाँ घरबाट उनले राजनीतिक भेटघाट गर्ने गर्छन्।

महाधिवेशन प्रतिनिधिमा उनले धेरै मत ल्याएका खड्कालाई टिकट दिलाउन उनकी आमा शिला शर्मा खड्काले पहल गरेकी थिइन्। यो सफलता संगै खड्का लुम्बिनी प्रदेश सभामा कान्छो सदस्य भएका छन् ।

जितपछि खड्काले आफ्नो बुबाका अपूरा सपना साकार पार्ने, समग्र जिल्लाका विकास निर्माणलगायतमा आफूले प्राथमिकताका साथ काम गर्ने बताए ।

सम्बन्धित समाचार

नेपाली जनसम्पर्क समिति कतारले आयोजना गरेको कार्यक्रममा ५२ जना द्वारा…

अन्ततः १४ नोभेम्बर देखि कतारमा पनि ‘पूर्णबहादुरको सारङ्गी’

युएईमा संविधान दिवस तथा राष्ट्रिय दिवस मनाईयो

ग्लोबल युथ नेटवर्क बनाउदै जय नेपाल फाउन्डेसन