पुरुष र महिलामा को उत्कृष्ट ?

दीप संञ्चार असोज ३, २०७८ गते १९:४६ मा प्रकाशित

पुरुष र महिला दुवैको जीवन जिउँदाको अनुभव

पुरुष भएको कारण समाजले मलाई जबर्जस्ती पुरुषका रुपमा ढाल्न खोज्थे । म पुरुष भए पनि मलाई महिलाको अनुभूति हुन्छ म भित्रै देखि महिला हुँ भन्ने हुन्थ्यो। जे होस् दुवै जीवन जिउँदा अहिले मलाई महिला भएकोमा गर्व लाग्छ । पुरुष भएर अरूलाई दबाएर बाँच्न पाउने च्वाइस पनि ममा थियो तर मैले नारी जीवन रोजेँ । अरूमाथि हिं सा एवं वि भेद गर्नु नपरोस् भनेर मैले महिला नै हुन चाहेँ । पुरुष सदैव पुरुषत्वको धाकमा महिलामाथि अधिकार जमाउन खोज्छ भने महिलाहरू त्यस्ता चुनौतीलाई चिरेर पनि अघि बढ्न अग्रसर हुन्छन् ।

तपाईं महिला नै हुनुपर्ने कारण के हो ?

म महिला नै हुनुपर्ने एउटै मात्र कारण छैन । शारीरिक रूपमा पुरुष भएर जन्मिए पनि भावनात्मक रूपमा म महिला हुँ । मभित्रको विचार, व्यवहार, धैर्य, सहनशीलता अनि ममता नै म महिला बन्नुपर्ने कारण हुन् । घरपरिवार, बालबच्चा, कार्यालय मात्र होइन देश हाँक्ने र सम्हाल्ने हरेक महिलाले पुरुष भएको अनुभूति गर्न सक्छन् तर हरेक पुरुषले आफूलाई महिला अनुभूति गर्न गार्‍हो छ ।