संखुवासभा काण्ड सेलाउन नपाउँदै गुल्मीमा पनि उस्तै घटना

काठमाडौँ –

गुल्मीका शिवबहादुर पुलामीको हत्या प्रकरणमा प्रहरीले दुई जनालाई पक्राउ गरेको छ । पक्राउ पर्नेमा सोही जिल्लास्थित २७ वर्षीय हिमबहादुर पुलामी र २१ वर्षीय हिमाल राहडी रहेका छन् ।

गत बिहीबार गुल्मीको चन्द्रकोट गाउँपालिका–७ बतासे बस्ने ४८ वर्षीय पुलामीको कुटपिटपछि हत्या भएको थियो । बिहीबार कुटपिटपछि घाइते भएका शिवबहादुरलाई उपचारका लागि मजुवा ल्याइएपछि मृत्यु भएको थियो ।

जिल्ला प्रहरी कार्यालय गुल्मीका अनुसार कुटपिटमा संलग्नहरुलाई आइतबार साँझ पक्राउ गरिएको हो । प्रहरीका अनुसार कुटपिट गर्ने पुलामी मृतकका आफ्नै भतिजा हुन् भने राहडी मृतकका साढुभाइ हुन् ।

प्रहरीका अनुसार गत भदौ २३ गते आरोपित दुई जना र मृतक शिवबहादुरबीच विवाद भएको थियो । २४ गते पनि उनीहरुबीच विवाद बढेर कुटपिट भएको थियो।

पक्राउ परेका दुई आरोपितमाथि थप आवश्यक अनुसन्धान भइरहेको जिल्ला प्रहरी कार्यालय गुल्मीले जनाएको छ।

पछिल्लो समय आफन्तबाट आफन्त नै मारिदै आएका छन् । केही दिनअघि मात्र पनि संखुवासभामा भएको सामुहिक हत्या पनि आफन्त (भतिज)कै संलग्नता रहेको थियो।

सम्बन्धित समाचार

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

तारले रुखमा बाँधेर ज्यूँदै जलाएको अवस्थामा काभ्रेमा भेटियो  पुरुषको शव

डीएसपी ठग बहादुर केसी भ्रष्टाचारको मुद्दामा दोषी ठहर

पर्वतमा एक दम्पतिको विभत्स हत्या