रोल्पामा रगत बग्दा आँशु नखस्ने कपिपेस्ट अभियन : विश्वप्रकाश

काठमाडौंं – नेपाली कांग्रेसका प्रवक्ता विश्वप्रकाश शर्माले प्रधानमन्त्री केपी शर्मा ओलीप्रति लक्षित गर्दै किन कसैको आँशु नखसेको भन्दै प्रश्न गरेका छन्।

रोल्पामा बिहीबार बम बिस्फोटबाट चार बालबालिकाको मृत्यु भएको सन्दर्भ उल्लेख गर्दै शर्माले बमको धुवासँगै बालक उडेर आकाश रातो भएको बेला किन आँशु नखसेको भन्ने प्रश्न गरेका हुन्।

प्रधानमन्त्री ओलीले शुक्रबार दिउँसो ‘अब आँशु खसाउनु पर्दैन’ कविता लेखेका थिए। रोल्पाको घटना र उक्त कवितालाई जोडेर शर्माले लेखेको ट्वीटमा काठमाडौंमा आँशु नखसेका आँखाले रोल्पामा खसेको रगत पनि देख्दैन? भन्ने उल्लेख गरेका छन्।

बमको धुवासँगै बालक उडेर, आकाश रातो भएको बेला किन कसैको आँशु खस्दैन? यस्तो कस्तो कवि हृदय बनायौं दैव!,’ शर्माले शनिबार गरेको ट्वीटमा भनिएको छ, ‘काठमाडौंमा आँशु नखसेका आँखाले रोल्पामा खसेको रगत पनि देख्दैन?’

उनले रोल्पामा रगत बग्दा जब काठमाडौंमा आँशु नखस्ने कविता फुर्छ तब त्यसलाई कपिपेस्ट अभियनको संज्ञा दिनु गलत नहुने पनि बताएका छन्। ‘कपिपेस्ट अभिनय भन्नु र कपिपेस्ट कविता भन्नुमा फरक छ,’ उनले थपेका छन्।

सम्बन्धित समाचार

स्वदेश फर्किए कतारका राजा

प्रधानमन्त्री र कतारी अमिरबीच द्विपक्षीय भेटवार्ता जारी

प्रधानमन्त्री र कतारी अमिरबीच भेटवार्ता शुरु

उपनिर्वाचन : आज उम्मेदवारको नामावली प्रकाशन