कांग्रेसद्वारा आज पनि प्रतिनिधिसभा बैठक अवरूद्ध

काठमाडौंं – प्रमुख प्रतिपक्षी दल नेपाली कांग्रेसले आज पनि प्रतिनिधिसभा बैठक अवरूद्ध गरेको छ।

आफ्नो संसदीय दलका उपनेता विजयकुमार गच्छदारमाथि बालुवाटार जग्गा प्रकरणमा अख्तियार दुरूपयोग अनुसन्धान आयोगले हाँस्यास्पद आरोपपत्र दायर गरेको भन्दै कांग्रेसले बिहीबार बसेको बैठकमा अवरोध गरेको थियो।

सभामुख अग्निप्रसाद सापकोटाले बैठक सञ्चालन गर्न अगाडि बोल्दै थिए। लगत्तै कांग्रेसका सांसद उठे र सभामुखले कांग्रेसका सांसद मिनबहादुर विश्वकर्मा बोल्न समय दिए।

बैठकमा बोल्दै विश्वकर्माले काठमाडौंमा चिसो बढेता पनि बालुवाटार जग्गा प्रकरणमा अख्तियारले लगाएको मुद्दाले फेरि देशको राजनीतिक माहौल तातेको बताए।

अख्तियारलाई प्रभावमा पारेर सरकारले आफ्नोलाई बोक्ने र विरोधीलाई ठोक्ने प्रवृत्ति देखाएको उनले आरोप लगाए। विश्वकर्माले बोलेपछि कांग्रेस सांसदहरुले उठेर अवरोध गरेका थिए।

सभामुखले मुद्दा अदालतमा गइसकेकाले व्यवस्थापिका संसदको क्षेत्राधिकारमा नपर्ने भन्दै बैठक सुचारू गर्न सहयोग गर्न आग्रह गरेका थिए। तर कांग्रेस सांसदहरू उठिरहेपछि बैठक सुचारू हुन सकेको छैन।

ललिता निवासको जग्गामा छानीछानी अख्तियारले मुद्दा चलाएको कांग्रेसको बुझाइ छ।

अख्तियारले बालुवाटार जग्गा प्रकरणमा नेपाली कांग्रेसका उपनेता विजयकुमार गच्छदारसहित १ सय ७५ जनालाई मुद्दा दायर गरेको छ।

सम्बन्धित समाचार

प्रचण्ड, देउवा र ओलीबीच भेटवार्तामा के कुराकानी भयो ?

राष्ट्रपतिले संयुक्त सदनमा बिशेष सम्वोधन गर्ने

प्रधानमन्त्री दाहाल र महासचिव चन्द भेट, साझा मोर्चा बनाउने समझदारी

रास्वपाका मन्त्री फिर्ताको निर्णयपछि रविसँग फेरि भेटेर कुरा गर्छु :…