आलमलाई थप ५ दिन हिरासतमा राख्न अदालतको आदेश

काठमाण्डौ, तेईस जनालाई जिउदै ईटा भट्टामा जलाएर मारेको आरोपमा पक्राउ परेका काङ्ग्रेस नेता मोहमद आफताव आलमलाई अदालतले थप ५ दिन हिरासतमा राख्न अनुमति दिएको छ । जिल्ला न्यायाधीश चाणकमणि अर्यालको इजलासले आलमलाई थप पाँच दिन थुनामा राखेर अनुसन्धान गर्न अनुमति दिएको हो ।
आलमका पक्षमा ८ जना कानून व्यवसायीले बहससमेत गरेका थिए भने सरकारी वकिल खडिण्द्रराज कटुवाल विपक्षमा बहस गरेका थिए । यसअघि उनलाई ७ दिनको म्याद थप गरेर प्रहरीले अनुसन्धान प्रक्रिया अगाडि बढाएको थियो । १२ वर्षअघि (२७ चैत २०६४) मा भएको बम विस्फोटको घटनालाई लिएर २६ असोजमा आलम पक्राउ परेका हुन् । म्याद थपपछि आलमलाई पुनः जिल्ला प्रहरी कार्यालय रौतहट र्पुयाइएको छ ।
आलम माथि थप दुई अभियोग
सांसद आलममाथि थप दुई अभियोग लाग्ने भएको छ । सरकारी वकिल कटुवालका अनुसार आलमलाई बमबारुद बनाउने तथा विस्फोटनसम्बन्धी कसुर र घटनाका जिवित घाइतेको बयानका आधारमा ज्यान मार्ने मुद्दा दायर हुनेछ । घटनाका संलग्न भएको अभियोग लागेका चार जना फरार छन् भने बम विस्फोटमा घाइते भएकाहरुलाई इँटा भट्टामा लैजान प्रयोग भएको भनिएको ट्याक्टरबारे पनि अनुसन्धान भइरहेको छ ।

झुठो आरोपमा फसाइयो -आलम

आलमले आफूलाई झुठो मुद्दामा फसाइएको प्रतिक्रिया दिएका छन । अदालत फरिसरमा ‘घटना नै नभएका कारण महान्याधिवक्ताको कार्यालयले मुद्दा नचल्ने गरी फैसला गरिसकेको छ । पहिले नै मुद्दा नचल्ने निर्णय भइसकेको केसमा राज्यले षडयन्त्र गरेको आलमले बताए ।

सम्बन्धित समाचार

जनता र प्रधानमन्त्रीकोे लागि संबिधान फरक फरक छ र ?-…

दिवा सपना नदेख्न कम्युनिष्ट सरकारलाई कांग्रेसको चेतावनी

कम्युनिष्ट सरकार असफल भैसक्यो—कांग्रेस केन्द्रिय सदस्य डिसी चौधरी

मुख्यमन्त्री पोख्रेलको जमानत जफत गरिदिने चौधरीको चेतावनी