साइत हेराएर बालुवाटार सर्दै प्रधानमन्त्री प्रचण्ड

प्रधानमन्त्री पुष्पकमल दाहाल प्रचण्ड साइत हेराएर प्रधानमन्त्री निवास बालुवाटार सर्न लागेका छन्। उनका लागि ज्योतिष टीकाराम घिमिरेले बेलुका ५ बजेका लागि साइत सुझाएका छन्।

‘प्रधानमन्त्रीको सचिवालयबाट साइत हेराउनका लागि फोन आएको थियो। उहाँहरुको चासो भोलि ११ बजेका लागि थियो। तर मैले आजै साँझ ५ बजे राम्रो हुने सुझाव दिएको छु’, नेपाल लाइभसँगको कुराकानीमा घिमिरेले भने।

गत सोमबार प्रचण्ड दौरा-सुरुवाल लगाएर सपथ लिन गएपछि उनको पुरानो मान्यतामा परिवर्तन आएको भन्दै आलोचना भइरहेको बेलामा साइत हेरेर बालुवाटार सर्न लागेका हुन्।

घिमिरेले आफूले अघिल्ला प्रधानमन्त्रीका लागि पनि साइत हेर्ने गरेको बताए।

सम्बन्धित समाचार

नेपाली कांग्रेसको १५औँ महाधिवेशनमा युरोपबाट केन्द्रीय सदस्यमा अंकित वलीको उम्मेदवारी

कर्णालीका मुख्यमन्त्री यामलाल कँडेलद्वारा राजीनामा, नेकपाको नेतृत्वमा नयाँ सरकार बन्ने

गृहमन्त्री गुरुङले दिए राजीनामा

नेपाली जनसम्पर्क समिति कतारले आयोजना गरेको कार्यक्रममा ५२ जना द्वारा…