कांग्रेसले गर्यो प्रभु ग्रुपका अध्यक्ष भट्टचनलाई उम्मेदवार सिफारिस

दीप संञ्चार भदौ २४, २०७९ गते २०:४८ मा प्रकाशित

व्यवसायी तथा प्रभु ग्रुपका अध्यक्ष देविप्रकाश भट्टचन आगामी मंसिर ४ गते हुने प्रतिनिधि सभा निर्वाचनको लागि सिफारिस भएका छन्।

उनलाई नेपाली कांग्रेसले बाग्लुङ क्षेत्र नं २ को लागि उम्मेदवार सिफारिस गरेको हो ।शनिबार क्षेत्रीय कार्यसमिति बैठकले उनको नाम सिफारिस गरेको हो । यस क्षेत्रबाट हाल माओवादी केन्द्रका देवेन्द्र पौडेल सांसद छन् ।

बाग्लुङको एउटा क्षेत्रमा जनमोर्चाले पनि दाबी गरेको छ ।भट्टचन समानुपातिक संसदको लागि पनि सिफारिसमा परेका छन् । उनी २०७४ सालको निर्वाचनमा पनि समानुपातिका कोटामा जनजातितर्फ सूचीमा समावेश थिए ।

२०७७ सालमा उनले नेपाली कांग्रेसको संगठन विभागको उपसंयोजकको जिम्मेवारी पाएका थिए ।

क्याटेगोरी : राजनीति
ट्याग : #breaking, #देविप्रकाश भट्टचन