प्रधानमन्त्रीद्वारा मन्त्रिपरिषद् पुनर्गठन, एकीकृत समाजवादीबाट को-को बने नयाँ मन्त्री ?

दीप संञ्चार असार १२, २०७९ गते २२:०८ मा प्रकाशित

मन्त्रिपरिषद पुनर्गठन भएको छ । राष्ट्रपति विद्यादेवी भण्डारीले प्रधानमन्त्री शेरबहादुर देउवाको सिफारिसमा नेकपा एकीकृत समाजवादीका नयाँ मन्त्रीहरु समेटेर मन्त्रिपरिषद् पुनर्गठन गरेकी हुन् ।

नयाँ मन्त्रिपरिषद्को संस्कृति, पर्यटन तथा नागरिक उड्डयन मन्त्रालयको जिम्मेवारी जीवनराम श्रेष्ठले पाएका छन् भने शहरी विकासमन्त्रीमा मेटमणि चौधरी, स्वास्थ्य तथा जनसंख्यामन्त्रीमा भवानी प्रसाद खापुङ र श्रम, रोजगार तथा सामाजिक सुरक्षामन्त्रीमा शेरबहादुर कुँवर नियुक्त भएका छन्। त्यस्तै, हीराचन्द्र केसी स्वास्थ्य तथा जनसंख्या राज्यमन्त्रीमा नियुक्त भएका छन्।

आज मन्त्रीमा नियुक्त भएका सबै एकीकृत समाजवादीका नेताहरु हुन् । यसअघि स्वास्थ्य तथा जनसंख्या मन्त्रीमा विरोध खतिवडा, शहरी विकासमन्त्रीमा रामकुमार झाँक्री, संस्कृति, पर्यटन तथा नागरिक उड्डयन्त्रीमा प्रेम आले, श्रम, रोजगार तथा सामाजिक सुरक्षामन्त्रीमा कृष्णकुमार श्रेष्ठ रहेका थएि । पार्टीले फिर्ता बोलाएसँगै उनीहरुले आजै पदबाट राजीनामा दिएका हुन् ।

माओवादी र कांग्रेसका मन्त्रीहरुलाई भने मन्त्रिपरिषद्‍मा यथावत राखिएको छ ।