Techie IT
×
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठराजनीतिप्रधानन्यायाधीशको स्पष्टोक्ती : सरकारसँग कोटा मागेको कुरा झुटो हो, विज्ञप्ति निकालेर खण्डन गर्छु

प्रधानन्यायाधीशको स्पष्टोक्ती : सरकारसँग कोटा मागेको कुरा झुटो हो, विज्ञप्ति निकालेर खण्डन गर्छु


प्रधानन्यायाधीश चोलेन्द्र शमशेर जबराले सरकारसँग आफूले कोटा मागेको कुरा पूर्णतया झुटो रहेको बताएका छन् । सोमबार सर्वोच्च बारका पदाधिकारीहरूसँगको भेटमा उनले यस्ता हल्लामा कुनै सत्यता नरहेको बताएका हुन् ।

मन्त्रिपरिषद् विस्तारमा प्रधानन्यायाधीशसमेतलाई कोटा छुट्याइएको समाचार सार्वजनिक भएपछि बारका पदाधिकारीले प्रधानन्यायाधीश जबरासँग आज साँढे १० बजे भेट गरेका थिए। सर्वोच्च बारका अध्यक्ष पूर्णमान शाक्यको नेतृत्वमा सचिव ऋषिराम घिमिरेसहित बारको कार्यसमितिले प्रधानन्यायाधीशलाई यसबारे गम्भिर ध्यानाकर्षण गराएको थियो।

भेटमा सहभागी सर्वोच्च बारका सचिव घिमिरेका अनुसार भेटका क्रममा प्रधानन्यायाधीश जबराले समाचारमा कुनै सत्यता नरहेको बताएका थिए। प्रधानन्यायाधीश जबराले यसबारे छिट्टै विज्ञप्ति निकालेर खण्डन गर्ने बताएका थिए।

छलफलमा सर्वोच्च बारका पदाधिकारीले प्रधानन्यायाधीश समक्ष सरकारसँग कोटा माग गरिएको विषय प्रकाशमा आएको भन्दै प्रष्ट पार्न आग्रह गरेका थिए । जवाफमा प्रधानन्यायाधीश राणाले आफूले त्यसप्रकारको कुनै कुरा नगरेको प्रस्ट पार्दै यस विषयमा सर्वोच्च अदालतले नै चाँडै विज्ञप्तिमार्फत खण्डन गर्न लागेको जानकारी दिएको सर्वोच्च बारका एक पदाधिकारीले बताए।


क्याटेगोरी : राजनीति


तपाईको प्रतिक्रिया दिनुहोस