नेपाललाई ओलीको काउन्टर : ‘मच्छरले हात्ती खाएको सपना देख्नु र माधव नेपालले एमालेलाई टर्च बालेर खोज्नुपर्छ भन्नु उस्तै हो’

दीप संञ्चार असोज १०, २०७८ गते २०:०७ मा प्रकाशित

काठमाडौँ –

नेकपा एमाले अध्यक्ष केपी शर्मा ओलीले मच्छरले हात्ती खाएको सपना देख्नु र माधव नेपालले एमालेलाई टर्च बालेर खोज्नुपर्छ भन्नु उस्तै भएको टिप्पणी गरेका छन् ।

ललितपुरको च्यासलमा बसेको केन्द्रीय कमिटी बैठकमा राजनीतिक र संगठनात्मक प्रतिवेदनमाथि उठेका प्रश्नको आइतवार जवाफ दिँदै ओलीले यस्तो टिप्पणी गरेका हुन् ।

‘मच्छरले निदाएको बेला सिंगै हात्ती खाएको सपना देख्नु र माधव नेपालले आगामी चुनावमा एमालेलाई टर्च बालेर खोज्नुपर्छ भन्नु उस्तै हो,’ उनले भने ।

यस्तै उनले आफ्नो नेतृत्वको सरकारको पालामा असाधारण काम भएकोले जनतामा कसरी भोट माग्न जाने होला भन्ने स्थिति नरहेको बताएका छन् ।

‘जनताकोमा कसरी भोट माग्न जाने होला भन्ने स्थिति छैन । केही काम नगरेका र खराब गरेकाहरू त चुनावमा जाने भन्दैछन्,’ ओलीले भने, ‘जनताको पक्षमा असाधारण काम भएका छन् । यो कुराको झलक राजनीतिक प्रतिवेदनमा छ ।’

क्याटेगोरी : राजनीति