दाङ्ग—गढवा गाउँपालिकाको ८ नम्बर वडा दाङ्गकै बिकट वडाका रुपमा चिनिन्छ । त्यहाँका नागरिक राज्यले दिने सबै खाले सेवा सुविधा सहजै रुपले लिन सकिरहेका छैनन ।
नेपाली नागरिक भए पनि छिमेकी देश भारतको भर पर्नु पर्ने बाध्यता छ । स्वास्थ्यको क्षेत्रमा पनि त्यस भेगका नागरिकले अर्थपूर्ण तरिकाले सेवा लिन नपाई रहेको अवस्थामा जापानिज सस्थां आम्दा नेपालले स्वास्थ्य सेवा प्रदान गर्नका लागि निर्माण गरेको स्वास्थ्य भवनहरु एक कार्यक्रमका बीच स्थानिय तहलाई हस्तान्तरण गरेको छ ।
गढवा गाउँपालिका वडा नम्बर ८ का वडाध्यक्ष सद्दाम सिद्दिकीको अध्यक्षता तथा जिल्ला समन्वय समिति दाङ्गका समन्यव अधिकारी सावित्रा पुन थापाको प्रमुख आतिथ्यमा एक कार्यक्रमको आयोजना गरि भवनको उद्घाटन तथा हस्तान्तरण गरिएको हो ।
आम्दा नेपालले खासगरी स्वास्थ्यको क्षेत्रमा काम गर्दै आएको छ त्यो भित्र पनि बच्चा र आमाहरुको लागि बिशेष रुपले काम गर्दै आएको छ । मातृशिशु स्वास्थ्य परियोजना अन्तर्गत गढवाको कालाकाटेमा सामुदायिक स्वास्थ्य इकाई, वडा नम्बर २ को चिम्चिमेमा सामुदायिक स्वास्थ्य इकाई, वडा नम्बर ८ को मुसिनाका र खबरी नाकामा गाउँघर क्लिनिकको निर्माण गरेर स्थानिय तहलाई हस्तान्तरण गरिएको हो ।
आम्दा नेपाल मातृशिशु स्वास्थ्य परियोजना अन्तर्गत आम्दा माइन्ड्स र परराष्ट्र मन्त्रालय जापानको आर्थिक तथा प्राविधिक सहयोगमा कुल एक करोड ४० लाख तिस हजार रुपैयाँमा गाउँपालिकाको चार स्थानमा स्वास्थ्य इकाई भवनको निर्माण गरिएको आम्दा परियोजनाका इञ्जिनिएर नबिन अधिकारीले जानकारी दिए ।
सामुदायिक स्वास्थ्य इकाईबाट ओपिडी सेवा, गर्भवती जाँच, सुत्केरी जाँच, परिवार नियोजन, स्वास्थ्य परामर्श र किशोर किशोरी मैत्री स्वास्थ्य परामर्श लगायतको सेवा प्रबाह हुने छ ।
आम्दा माइन्ड्स र परराष्ट्र मन्त्रालय जापानको आर्थिक तथा प्राविधिक सहयोगमा निर्माण भएको हो । नाकाक्षेत्रमा गाउँघर क्लिनिक भवन स्थापना भएसंगै स्थानिय नाकाबासीहरुले खुसि व्यक्त गरेका छन् ।
कार्यक्रममा गढवा गाउँपालिका वडा नं. ८ का वडाध्यक्ष सद्दाम सिद्दिकिले अव नाकाबासीहरुको सपना विस्तारै साकार बन्दै गएको बताउदै नाकाबासीहरुले अव सामान्यतया सिटामोलको औषधीले भारत जानुपर्ने बाध्यता अन्त्य भएको उनको भनाई छ ।
आम्दा नेपालको नेपाल हेर्ने काईको ओकुदाले भवन निर्माणमा सहयोग पुर्याउने जनप्रतिनिधि, निर्माण उपभोक्ता समिति, आम्दा नेपालका कर्मचारी सबैलाई धन्यवाद ज्ञापन गरेकी थिइन ।
क्याटेगोरी : समाचार, स्वास्थ्य, प्रदेश ५ट्याग : #breaking
