दाङ्गको राप्ती गाउँपालिका र गढवा जोड्ने नेपालकै तेस्रो लामो झोलुङ्गे पुल

दाङ — नेपालको तेस्रो लामो झोलुङ्गे पुलको निर्माण कार्य सुरु भएको छ ।

दाङ देउखुरी राप्ती गाउँपालिका र गढवा गाउँपालिका जोड्ने उक्त पुलको काम सुरु भएदेखि गाउँका स्थानीयलाई आवतजावतमा सहज हुने भएको छ । पुल निर्माणको काम सम्पन्न भएपछि राप्ती गाउँपालिका अन्तरगत कुररिया, मसुरिया, कटाहा, बसन्तपुर र गढवा गाउँपालिका अन्र्तगत पत्रिङ्गा, बडहडा , बनघुस्री, जेठानगाउँका स्थानीय प्रत्यक्ष लाभान्वित हुनेछन ।

त्यस क्षेत्रमा पुल नहुँदा स्थानियलाई लमही गढवा हुदै गाउँमा जानुपर्ने बाध्यता रहेको थियो भने पुल निर्माण पश्चात् उक्त समस्या अन्त्य हुनेछ । नेपालको पहिलो झोलुङ्गे पुल महेन्द्रनगर देखि पश्चिम चाँदनी दोधारामा रहेको छ भने दोस्रो इलाममा र तेस्रो दाङमा हुनेछ । यस पुलको लम्बाई आठ सय अठार मिटर लामो हुनेछ ।

तिन वर्ष भित्र निर्माण सम्पन्न सक्ने गरि थानि निर्माण सेवा गौशाला काठमाडौले जिम्मा लिएको छ । तराई मधेस कार्यक्रम अन्र्तगत दस करोड २७ लाखमा डेण्डर भई आठ करोड २७ लाखमा निर्माण कम्पनीले सम्झौता गरेको छ । दाङ्ग निर्वाचन क्षेत्र नम्बर १ का प्रतिनिधिसभा सांसद मेटमणी चौधरीले उक्त पुलको स्थलगत अवलोकन तथा निरिक्षण गरेका छन् । निर्वाचनका बेला आफुले जनतालाई दिएको आश्वासन बिस्तारै पुरा गर्दै जाने सांसद चौधरीले बताएका छन ।

नेपालको तेस्रो झोलुङ्गे पुलको निरिक्षण गर्दै सांसद चौधरीले योजनाको काम समयमा सम्पन्न गर्न निर्देशन दिएका छन । काम गर्ने क्रममा आइपर्ने समस्या बारे स्थानीयसंग समन्वय गरेर कामलाई तिब्रता दिन आग्रह गरे । यस्तै प्रगन्ना सिंचाई प्रणालीको कार्यालय भवनको स्थलगत निरिक्षण तथा अनुगमन पनि गरेका छन् ।

निर्वाचन क्षेत्र विकास कोषको पचाँस लाख बजेटबाट निर्माण भइरहेको डेर कठ्ठा जग्गामा आठ कोठे पक्कि भवनको निर्माण कार्य अन्तिम चरणमा रहेको छ ।

सम्बन्धित समाचार

बाढीपहिरोका कारण देशका प्रमुख राजमार्गहरू अवरुद्ध, रात्रिकालीन सवारीमा कडाइ

मिटरब्याजपीडित र सरकारी वार्ता टोलीबीच आजै सम्झौतापत्रमा हस्ताक्षर हुने तयारी

साउनको आगमनसँगै हरियो चुरा र पोतेले सजिए बजार, किन्नेको लाग्यो…

गृहमन्त्री गुरुङले दिए राजीनामा