छोरा राष्ट्रपति भएको हेर्न चाहन्थे जो बाइडन, यो रोगले खोस्यो सपना

अमेरिका — अमेरिकी राष्ट्रपति चुनावमा राष्ट्रपति ट्रम्पलाई कडा टक्कर दिइरहेका डेमोक्रेटिक उम्मेद्वार जो बाइडन आफ्नो जीतको विषयमा निकै विश्वस्त छन् । जो बाइडन यसअघि दुईपटक अमेरिकाको राष्ट्रपति पदको चुनाव लडिसकेका छन् । यद्यपि, एक समय यस्तो पनि थियो जब जो बाइडन आफू नभई आफ्ना जेठो छोरा राष्ट्रपति पदको चुनाव लडोस् भन्ने चाहन्थे ।

जो बाइडनका दुई छोरा छन् । जोसेफ ब्यू बाइडन र हन्टर बाइडन । जोसेफ उनका जेठो छोरा थिए । सन् २०१५ मा जोसेफको ब्रेन क्यान्सरका कारण मृत्यु भएको थियो । उनी ४६ वर्षका थिए ।

आफ्नो पिताको नक्सा कदममा चल्दै जोसेफ ब्यू बाइडनले पनि आफ्नो करियर राजनीतिमा बनाएका थिए । उनी सन् २००७ देखि २०१५ सम्म यूएस स्टेट अफ डेलवायरको ४४ औं एटोर्नी जनरल रहेका थिए ।

जो बाइडन सधैं उनका छोराले अमेरिकाको राष्ट्रपतिको पदको कमान सम्हालोस् भन्ने चाहन्थे । बाइडनले आफ्नो मेमोएरमा आफ्नो छोराबारे लेखेका थिए – म सधैं चाहन्थेँ कि मेरो छोरा राष्ट्रपति पदको चुनावको लागि लड्न सक्छ र ऊ पनि आफ्नो भाइले मद्दतले जित्न सक्छ ।

जोसेफ ब्यू सन् २००८ र सन् २०१३ मा अमेरिकाका पूर्व राष्ट्रपति ओबामाको क्याम्पेनको महत्वपूर्ण सदस्य थिए । सन् २०१५ मा ब्रेन क्यान्सरका कारण उनको मृत्यु भयो ।

यद्यपि, ब्यूको मृत्यु अघि पनि बाइडनको परिवारमा एउटा निकै त्रासदीपूर्ण दुर्घटना भएको थियो । सन् १९७२ मा जो बाइडनकी जेठी श्रीमती निएला हंटर र छोरी नेओमीको कार दुर्घटनामा मृत्यु भएको थियो । ब्यू र हंटर पनि कारमा थिए र उनीहरुलाई गम्भीर चोट लागेको थियो तर उक्त दुर्घटनामा दुबैको ज्यान बचेको थियो । त्यसको केही वर्षपछि जो बाइडनले दोस्रो विवाह गरे । दोस्रो सम्बन्धबाट उनकी एक छोरी एश्ले बाइडनको जन्म भयो ।

यता बाइडनका कान्छो छोरा हंटर बाइडन थुप्रै विवादमा घेरिसकेका छन् । उनीमाथि आफ्नो पिताको पदको फाइदा उठाएको आरोप पनि लाग्ने गरेको छ । अमेरिकी राष्ट्रपति डोनल्ड ट्रम्पले गत वर्ष एक पत्रकार सम्मेलनमा चीनले हंटरलाई एक ट्रेड डीलका लागि अत्यधिक पैसा दिएको आरोप लगाएका थिए ।

सम्बन्धित समाचार

कतार आइपुगे पूर्व परराष्ट्र मन्त्री महत । 

एनआरएन अध्यक्ष श्रेष्ठ र एफएनसीसीआई अध्यक्ष ढकालबीच ‘एनआरएन इन्भेस्टमेन्ट समिटबारे…

ठकुरी सहयोग सञ्जाल, कतारले आफ्नो ११ औं वार्षिकोत्सव भव्य रूपमा…

नेपाल र चीनबीच  सूचना प्रविधिको क्षेत्रमा  सहकार्य बढाउन जोड