प्रेस युनियनका केन्द्रिय सदस्य गौतमलाई जिपीके फाउन्डेसन अमेरिकाको सम्मान

लन्डन — नेपाल प्रेस युनियनका केन्द्रिय सदस्य तथा डिजिटल मिडिया विभागका संयोजक युवराज गौतमलाई जिपीके फाउन्डेसन अमेरिकाले सम्मान गरेको छ ।

कोरोना भाइरसको महामारीका बेला प्रवासमा रहेका नेपालीहरुको समस्या र मुद्दाहरुमा सक्रियतापूर्वक कलम चलाएवापत फाउन्डेसनले गौतमसहित विश्वका विभिन्न देशमा क्रियाशिल नेपाली पत्रकारहरुलाई सम्मान गरेको फाउन्डेसनका अमेरिकाका संयोजक सोमनाथ घिमिरेले जानकारी दिए ।

प्रवासी नेपालीहरुसंग सम्बन्धित समस्या तथा मुद्दाहरुमा कलम चलाएवापत गतबर्ष अन्तराष्ट्रिय सीतादेवी अनलाइन पत्रकारिता पुरस्कार २०१९ बाट पुरस्कृत भएका गौतमलाई यसपटक जिपी फाउन्डेसन अमेरिकाले सम्मान गरेको हो ।

इमेजखबर डटकमका डेक्स सम्पादक तथा राष्ट्रिय स्तरका अखबारहरुमा स्वतन्त्रता पूर्वक लेखनमा क्रियाशिल गौतमले २०५८ सालमा इलामबाट पत्रकारिता सुरु गरेका हुन

त्रिभुवन विश्वविद्यालबाट पत्रकारितामा स्नातक साथै राजनीति शास्त्र र समाजशास्त्रमा स्नाकोत्तर गौतमलाई गतबर्ष प्रेस युनियन इलामले पनि विशेष सम्मान गरेको थियो ।

मेची अन्चलका उत्कृष्ट पत्रकारले प्राप्त गर्ने आशिष स्मृति पत्रकारिता पुरस्कारबाट पनि सम्मानित गौतम विशेषगरि, प्रवासी, सामाजिक, पर्यटन र समसायिक विषयमा कलम चलाउन रुची राख्छन् ।

सम्बन्धित समाचार

एनआरएनएको उच्चस्तरीय मेलमिलाप समितिमा चार सदस्य थप

कतार आइपुगे पूर्व परराष्ट्र मन्त्री महत । 

एनआरएन अध्यक्ष श्रेष्ठ र एफएनसीसीआई अध्यक्ष ढकालबीच ‘एनआरएन इन्भेस्टमेन्ट समिटबारे…

ठकुरी सहयोग सञ्जाल, कतारले आफ्नो ११ औं वार्षिकोत्सव भव्य रूपमा…