दुई तिहाइ भन्दा बढी नेपाली मूलका अमेरिकी नागरिकहरु जो बाइडनको पक्षमा

अमेरिका  — संयुक्त राज्य अमेरिकामा बसोबास गर्ने नेपाली मूलका अमेरिकी नागरिकहरुका बीचमा गरिएको एक मत सर्वेक्षणले दुई तिहाइ भन्दा बढी नेपाली-अमेरिकीहरु डेमोक्र्याट पार्टीका उम्मेदवार जो बाइडनको पक्षमा रहेको देखाएको छ। नोभेम्बर २, २०२० मा भूगोलपार्क डटकमले नेपाली मूलका अमेरिकी नागरिकहरु बीच मत सर्वेक्षण गरेको हो ।

अमेरिकी राष्ट्रपति पदका दुइ जना उम्मेदवार राष्ट्रपति डोनाल्ड ट्रम्प र बराक ओबामासंग काम गरेका पूर्व उपराष्ट्रपति जो बाइडनमध्ये कसलाई भोट गर्नुहुन्छ भनेर गरिएको मत सर्वेक्षणमा सहभागीहरु मध्ये ७६% नेपालीमूलका अमेरीकीले जो बाइडन र २०% नेपालीमूलका अमेरीकीले डोनाल्ड ट्रम्पलाई भोट गरेका थिए । सो नतिजाले नेपाली मूलका अमेरिकी नागरिकहरुमाझ राष्ट्रपति ट्रम्प प्रतिपक्षी जो बाइडन भन्दा धेरै फराकिलो मतान्तरले पछाडी परेको देखाएको छ ।

अनलाइन प्रविधि मार्फत मत सर्वेक्षण गर्दै आइरहेको भुगोलपार्क डटकमले नेपालमा हालसम्म ९ वटा राष्ट्रिय एजेन्डामा मत सर्वेक्षणहरु गरिरहेको छ ।

प्लस माइनस ५.५ को त्रुटिको अनुमानित मार्जिनको साथ अमेरीकी राष्ट्रपति निर्वाचनमा गरिएको मत सर्वेक्षणमा १० शीर्षक र डेमोग्राफिक्समा प्रश्नहरु थिए । पुरा डेटा विश्लेषण आगामी २ दिनमा पुरा हुने अपेक्षा गरिएको छ । भूगोलपार्क डटकमकी संचालक शुष्मा सुवालले उक्त मत सर्वेक्षण मोडल वैज्ञानिक र विश्वका अग्रणी सर्वेक्षणकर्ताहरुले प्रयोग गरेको मतदान विधिसँग मिल्दोजुल्दो रहेको बताइन् ।

सम्बन्धित समाचार

प्रवासी भुजेल समाज कतारको आठाै महाधिवेशन सप्पन्न

एनआरएनएको उच्चस्तरीय मेलमिलाप समितिमा चार सदस्य थप

कतार आइपुगे पूर्व परराष्ट्र मन्त्री महत । 

एनआरएन अध्यक्ष श्रेष्ठ र एफएनसीसीआई अध्यक्ष ढकालबीच ‘एनआरएन इन्भेस्टमेन्ट समिटबारे…