कोरोनाबाट निर्माण ब्यवसायीको मृत्यु

प्रिया स्मृती गजमेर कात्तिक १३, २०७७ गते १८:५८ मा प्रकाशित

दाङ — दाङ देउखुरीमा थप एक जना कोरोना संक्रमितको मृत्यु भएको छ । मृत्यु हुनेमा राप्ती गाउँपालिका वडा नम्बर ९ निवासी ५५ वर्षिय पुरुष रहेका छन ।

मृतक निर्माण ब्यवसायी भएको बुझिएको छ । उनले आफुमा केही असहज महसुस भएपछि बुटवल गएर पिसिआर चेकजाँच गराएका थिए त्यहाँ उनको रिपोर्ट पोजेटिभ आएपछी आइसोलेसन नगएर घरमै बसेका थिए ।

यहि कात्तिकको ९ गते अर्थात दशैको एक दिन अघि नवमीका दिन गाह्रो भएको भनेर गाउँपालिकाका अध्यक्षलाई फोन गरेको स्रोतले बताएको छ ।

त्यसपछी गाउँपालिकाले एम्बुलेन्सको ब्यवस्थापन गरेर कोहोलपुर मेडिकल कलेज पठाएको अध्यक्ष नुमानन्द सुबेदीले बताए । उता गएपछी उनको भेन्टिलेटरमा राखेर उपचार शुरु गरेको जानकारी पाएको थिए तर आज अपरान्ह मृत्यु भएको खबर पाए अध्यक्ष सुबेदीले भने ।

क्याटेगोरी : समाचार, प्रदेश ५
ट्याग : #breaking, #corona