Techie IT
×
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठग्लोबल‘अजरबैजानले युद्धविरामको प्रयोग युद्धको तयारीमा गर्‍यो’

‘अजरबैजानले युद्धविरामको प्रयोग युद्धको तयारीमा गर्‍यो’


नार्गोन–काराबाखका विदेश मन्त्रालयले अजरबैजानले युद्धविराम वार्ताको प्रयोग आफ्नो फौज तयार गर्नमा प्रयोग गरेको आरोप लगाएको छ ।रुसको मध्यस्थतामा यो शान्तिवार्ता भएको थियो । अब अजरबैजान र अर्मानिया दुबै एक–अर्कामाथि यो शान्ति सम्झौता तोडेको आरोप लगाइरहेका छन् ।

विदेश मन्त्रालयले आफ्नो बयानमा अन्तर्राष्ट्रिय समुदायसामू यो क्षेत्रलाई एक स्वायत्त क्षेत्रको रुपमा मान्यता प्रदान दिएमात्र शान्ति बहाल हुने बताएको छ ।

अहिले अन्तर्राष्ट्रिय स्तरमा यो क्षेत्रलाई अजरबैजानको हिस्सा मानिन्छ तर यहाँ बस्ने धेरैजसो जनसंख्या अर्मेनियाली छन् ।यहाँको प्रशासनमा उनीहरुकै दबदबा छ । उनीहरु अजेरी सरकारसँग कुनै पनि प्रकारको सम्बन्ध राख्न चाहँदैनन् ।

के युद्धविरामको सम्झौता टुटेको छ ?

अजरबैजानका विदेश मन्त्री जेहुन बायरामोवले मस्कोमा भएको वार्ताको क्रममा मानवीय आधारमा युद्धविरामको घोषणा तत्कालिन रुपमा गरिएको बताएका छन् । यो व्यवस्था शवको आदानप्रदानसम्म कायम रहनेछ ।

अजरबैजान र अर्मानिया दुबैले एक–अर्कामाथि युद्ध विरामको उल्लंघनको आरोप लगाउँछ । यसले युद्धविरामको सम्झौताको महत्वको विषयमा प्रश्न खडा भएको छ ।

टर्कीको बयानः

टर्कीले अजरबैजान र अर्मानियाबीच चलिरहेको लडाईंमा उसले नागोर्नो–काराबाखको विवादित इलाकामा उसको नियन्त्रण स्थापित नभएसम्म अजरबैजानको समर्थन गरिराख्ने बताएको छ ।

टर्कीको रक्षा मन्त्रालयले आफ्नो आधिकारिक ट्वीटर ह्यान्डलमा लेखेका छन्, ‘अजरबैजानको सेनाले बहादुरीको परिचय दिएका छन् । आफ्नो नियन्त्रण भएको इलाकालाई बचाउन उनले ठूलो सफलता हासिल गरेका छन् । अर्मानियाको कब्जामा भएको जमिन उसको वास्तविक मालिकलाई फिर्ता गर्नुपर्छ । अर्मानियो जबसम्म यस्तो गर्दैन, हामी आफ्ना भाइसँग खडा हुनेछौं ।’

संघर्ष विरामको उल्लंघनको आरोपः

अजरबैजानले शनिबार अर्मानियामाथि संघर्ष विराको उल्लंघनको आरोप लगाएको छ । नागोर्नो काराबाखको विवादित इलाकामा नियन्त्रणको विषयमा पछिल्लो दुई हप्तादेखि एक–अर्काविरुद्ध मैदानमा उत्रिएका दुई देशबीच रुसको मध्यस्थतामा शनिबार नै संघर्ष बिरामको घोषणा भएको थियो ।

तर अजरबैजानको तर्फबाट यो आरोप संघर्ष विराम लागू भएको केही समयपछि नै आएको हो । अजरबैजानको रक्षा मन्त्रालयले भन्यो, ‘अर्मानिया खुलेआम संघर्ष विरामको सम्झौताको उल्लंघन गरिरहेको छ । दुई अलग अलग दिशाबाट हाम्रोमा हमला गरिएको छ ।’

अजरबैजानको रक्षा मन्त्रालयले तेर्तेर र अगदाम इलाकामा दुश्मनको तर्फबाट गोलीबारी भएको बताएको छ । यद्यपि, अर्मानियाको तर्फबाट पनि अजरबैजानमाथि यहि आरोप लागिरहेको छ ।

अर्कोतर्फ, अर्मानियाको रक्षा मन्त्रालयले संघर्ष विराम लागू भएपछि काराखामबेयलीको इलाकामा अजरबैजाको सैनिकले हमला गरेको दाबी गरेको छ ।

अर्मानियाको रक्षा मन्त्रालयकी प्रेस सचिव सुसेन स्टिफेनयानले काराबाखमा सुरक्षाबले दुश्मनको हमलाको जवाफ दिनका लागि आवश्यक कदम उठाइरहेको जानकारी दिइन् ।

मारिएका मानिसहरुको विषयमा अर्मानियाको दाबीः

अर्मानियाको रक्षा मन्त्रालयको रिपोर्ट अनुसार लडाईंको क्रममा नागोर्नो–काराखाबका थप २८ मानिसहरुको अजरबैजानको फौजसँगका भीडन्तमा मृत्यु भएको छ । योसँगै मृत्यु हुनेको संख्या जम्मा ४०४ रहेको छ । – बीबीसी


क्याटेगोरी : ग्लोबल, समाचार


तपाईको प्रतिक्रिया दिनुहोस